Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
14 Jul 2026 23:17 IST
Share News :
കോഴിക്കോട്: റോട്ടറി ക്ലബ് ഓഫ് കരിവെല്ലൂർ മിഡ് ടൗണിന്റെ 2026-27 വർഷത്തെ ഭാരവാഹികളുടെ സ്ഥാനാരോഹണ ചടങ്ങ് നാടക്കാവിലെ മിദ്ലാജ് ഓഡിറ്റോറിയത്തിൽ വിപുലമായ ചടങ്ങുകളോടെ നടന്നു. റോട്ടറി വർഷം 2026-27-ലേക്കുള്ള പ്രസിഡന്റായി റോട്ടേറിയൻ പി.എച്ച്.എഫ്. അഡ്വ. പ്രകാശ് പാലാട്ട്സ്ഥാനമേറ്റു. റോട്ടേറിയൻ കെ. ശ്രീജിത്ത് സെക്രട്ടറിയായും റോട്ടേറിയൻ രാഹുൽ ഉദിനൂർ ട്രഷററായും പുതിയ ഡയറക്ടർ ബോർഡിനൊപ്പം ചുമതലയേറ്റു.
സ്ഥാനമൊഴിയുന്ന പ്രസിഡന്റ് റോട്ടേറിയൻ പി.എച്ച്.എഫ്. കെ. ജയരാജൻ നായർ അധ്യക്ഷത വഹിച്ചു. പരിപാടിയുടെ കൺവീനർ റോട്ടേറിയൻ എം.പി.എച്ച്.എഫ്. എസ്.വി. വിനായകുമാർ സ്വാഗതം പറഞ്ഞു. കഴിഞ്ഞ വർഷത്തെ പ്രവർത്തന റിപ്പോർട്ട് സെക്രട്ടറി അഡ്വ. പ്രകാശ് പാലാട്ട് അവതരിപ്പിച്ചു.
സ്ഥാനമൊഴിയുന്ന പ്രസിഡന്റ് കെ. ജയരാജൻ നായർ ഔപചാരികമായി അഡ്വ. പ്രകാശ് പാലാട്ടിന് പ്രസിഡന്റിന്റെ ചുമതല കൈമാറി. സ്ഥാനമേറ്റ ശേഷം നടത്തിയ പ്രസംഗത്തിൽ സാക്ഷരത, ആരോഗ്യപരിപാലനം, സാമൂഹിക വികസനം, പരിസ്ഥിതി സംരക്ഷണം, സമൂഹത്തിന്റെ ക്ഷേമം, ക്ലബ്-ജില്ലാ തലങ്ങളിൽ നേതൃത്വം ഏറ്റെടുക്കാൻ അംഗങ്ങളെ പ്രാപ്തരാക്കൽ എന്നിവയാണ് ഈ വർഷത്തെ പ്രധാന പ്രവർത്തനമേഖലകളെന്ന് അദ്ദേഹം വ്യക്തമാക്കി.
സർജന്റ്-അറ്റ്-ആംസ് ആയി റോട്ടേറിയൻ പി.എച്ച്.എഫ്. സുഗതകുമാറിനെയും മറ്റ് ഭാരവാഹികളെയും ചടങ്ങിൽ സ്ഥാനാരോഹണം നടത്തി.
പുതിയ അംഗമായ റോട്ടേറിയൻ അബ്ദുൽ അസീസിനെ അസിസ്റ്റന്റ് ഗവർണർ റോട്ടേറിയൻ എം.പി.എച്ച്.എഫ്. എസ്.വി. ശ്യാമകുമാർ ഔദ്യോഗികമായി ക്ലബിലേക്ക് സ്വീകരിച്ചു.
ക്ലബിന്റെ ഔദ്യോഗിക ബുള്ളറ്റിനായ "ലെഗസി" ഡിസ്ട്രിക്ട് ഡോക്യുമെന്റേഷൻ ചെയർമാൻ റോട്ടേറിയൻ എം.പി.എച്ച്.എഫ്. കെ. സുനിൽ കുമാർ പ്രകാശനം ചെയ്തു. ആദ്യ പ്രതി മുൻ റീജിയണൽ കോർഡിനേറ്റർ റോട്ടേറിയൻ എം.ഡി. രാജേഷ് കാമത്തിന് കൈമാറി.
റോട്ടറി ഡിസ്ട്രിക്ടിന്റെ പ്രധാന പദ്ധതികളിലൊന്നായ "മൈ സിറ്റി ആക്സിഡന്റ്-ഫ്രീ സിറ്റി" പദ്ധതിയുടെ ഉദ്ഘാടനം മുഖ്യാതിഥിയായ മുൻ ഡിസ്ട്രിക്ട് ഗവർണർ റോട്ടേറിയൻ എം.ഡി. ഡോ. സേതു ശിവശങ്കർനിർവഹിച്ചു. പദ്ധതിയുടെ ഭാഗമായി ഉദിനൂർ ഗവൺമെന്റ് ഹയർ സെക്കൻഡറി സ്കൂളിലെയും എ.വി.എസ്. ഗവൺമെന്റ് ഹയർ സെക്കൻഡറി സ്കൂൾ കരിവെല്ലൂരിലെയും സ്റ്റുഡന്റ് പോലീസ് കേഡറ്റുകൾക്ക് പ്രതിഫലന സുരക്ഷാ ജാക്കറ്റുകളും കുടകളും വിതരണം ചെയ്തു.
വിദ്യാഭ്യാസ രംഗത്ത് മികച്ച നേട്ടം കൈവരിച്ച അനെറ്റ്സിനെ പ്രത്യേക അതിഥിയായ ആൻ സിന്ധു സേതുയും പ്രസിഡന്റ് അഡ്വ. പ്രകാശ് പാലാട്ടും ചേർന്ന് ആദരിച്ചു. വയനാട് മുത്തങ്ങയിൽ നടന്ന ഡിസ്ട്രിക്ട് ഫെലോഷിപ്പ് മീറ്റിൽ പങ്കെടുത്ത ഗ്രൂപ്പ് സോംഗ് ടീമിനും പ്രത്യേക അംഗീകാരം നൽകി.
മുഖ്യാതിഥിയുടെ പ്രഭാഷണത്തിന് ശേഷം സെക്രട്ടറി റോട്ടേറിയൻ കെ. ശ്രീജിത്ത് നന്ദി രേഖപ്പെടുത്തി. ഡോ. അജിത സുഗതകുമാർ, വിജയം കക്കളത്ത്, ആൻ ലക്ഷ്മി രാജ് എന്നിവർ പരിപാടിയുടെ അവതാരകരായി. സമീപ ക്ലബുകളിൽ നിന്നുള്ള നിരവധി റോട്ടേറിയൻമാരുടെ സാന്നിധ്യവും ചടങ്ങിന് മാറ്റുകൂട്ടി.
Follow us on :
Tags:
More in Related News
Please select your location.
.jpeg)
