തെങ്ങ് കയറ്റ തൊഴിലാളികളുടെ നിയമനം:കൂടിക്കാഴ്ച്ച ഒക്ടോബർ 29 മുതൽ

Hiring of Coconut Load Workers:Meeting from 29th October

ചാവക്കാട്:കാർഷിക വികസന കർഷക ക്ഷേമ വകുപ്പിന്റെ നാളികേര വികസന പദ്ധതി 2026-27-ന്റെ ഭാഗമായി ചാവക്കാട്,നാട്ടിക,അയ്യന്തോൾ വിത്ത് വികസന യൂണിറ്റുകളിലേക്ക് ദിവസവേതനാടിസ്ഥാനത്തിൽ തെങ്ങ് കയറ്റ തൊഴിലാളികളെ(പരാഗണ തൊഴിലാളികൾ)നിയമിക്കുന്നു.തെങ്ങിൽ പരാഗണ ജോലികൾ ചെയ്യുന്നതിനും വിത്തുതേങ്ങകൾ വിളവെടുക്കുന്നതിനുമായി പരിചയസമ്പന്നരായ തൊഴിലാളികളിൽ നിന്നാണ് അപേക്ഷ ക്ഷണിക്കുന്നത്.18-നും 59-നും ഇടയിൽ പ്രായമുള്ളവർക്ക് അപേക്ഷിക്കാം.മുൻപ് ജോലിയിൽ നിന്നും നീക്കം ചെയ്തവരുടെയും ശിക്ഷാനടപടികൾക്ക് വിധേയരായവരുടെയും അപേക്ഷകൾ പരിഗണിക്കുന്നതല്ല.താല്പര്യമുള്ളവർ ജനന തിയ്യതി തെളിയിക്കുന്ന രേഖ,ശാരീരികക്ഷമത തെളിയിക്കുന്ന സർക്കാർ ഡോക്ടറുടെ സർട്ടിഫിക്കറ്റ് എന്നിവ സഹിതം ഒക്ടോബർ 23-ന് വൈകീട്ട് അഞ്ചിനകം അതത് കേന്ദ്രങ്ങളിൽ അപേക്ഷ സമർപ്പിക്കണം.ചാവക്കാട് വിത്ത് വികസന യൂണിറ്റിലേക്കുള്ള കൂടിക്കാഴ്ച്ച ഒക്ടോബർ 29-നും,നാട്ടിക കൃഷിഭവനിൽ 30-നും,അയ്യന്തോൾ കൃഷിഭവനിൽ 31-നും രാവിലെ 10.30 -ന് നടക്കും. കൂടുതൽ വിവരങ്ങൾക്ക് വിത്ത് വികസന യൂണിറ്റുകളുമായോ 8943101841 എന്ന ഫോൺ നമ്പറിലോ പ്രവൃത്തി സമയങ്ങളിൽ ബന്ധപ്പെടാവുന്നതാണ്.

Tags:

enlightmedia,malayalamnews,kerala,latestnews