World Chess Day celebrated extensively in Oman

മസ്‌കറ്റ്: ലോക ചെസ് ദിനം ഒമാനിൽ വിവിധ പരിപാടികളോടെ വിപുലമായി ആഘോഷിച്ചു. മസ്കറ്റിലെ സീബിലുള്ള അൽ അറൈമി ബൊളിവാർഡിൽ നടന്ന പ്രധാന പരിപാടിയിൽ നിരവധി ചെസ് പ്രേമികളും കളിക്കാരും പങ്കെടുത്തു. മാളിൽ വെച്ച് നടന്ന ഈ ആഘോഷം പൊതുജനങ്ങൾക്ക് ചെസ്സ് ലോകം അടുത്തറിയാൻ മികച്ച അവസരമൊരുക്കി.

ചെസ് കളിയുടെ പ്രാധാന്യം ഉയർത്തിക്കാട്ടാനും, ജനങ്ങൾക്കിടയിൽ, പ്രത്യേകിച്ച് യുവതലമുറയിൽ, ചെസിനോടുള്ള താൽപ്പര്യം വർദ്ധിപ്പിക്കാനും ലക്ഷ്യമിട്ടാണ് രാജ്യത്തുടനീളം പരിപാടികൾ സംഘടിപ്പിച്ചത്.

ഒമാനിലെ പ്രമുഖ ചെസ്സ് സ്ഥാപനമായ ചെസ്സ് മാസ്റ്റേഴ്സ് അക്കാദമിയുടെ നേതൃത്വത്തിൽ, ഒമാൻ ചെസ് കമ്മിറ്റിയുടെ സഹകരണത്തോടെ സീബിലെ അൽ അറയ്മി ബോളിവാർഡ് മാളിൽ,

ലോക ചെസ് ദിനാഘോഷങ്ങളുടെ ഭാഗമായി നടന്ന ഇൻ്റർനാഷണൽ ഫിഡെ ക്ലാസിക് ടൂർണമെൻ്റ് ഇത്തവണത്തെ പ്രധാന ആകർഷണമായിരുന്നു.

വിവിധ രാജ്യങ്ങളിൽ നിന്നുള്ള പ്രഗത്ഭരായ കളിക്കാർ പങ്കെടുത്ത ടൂർണമെൻ്റ് ആവേശകരമായ നിമിഷങ്ങൾക്ക് സാക്ഷ്യം വഹിച്ചു. കുട്ടികൾക്കും മുതിർന്നവർക്കുമായി ചെസ് മത്സരങ്ങൾ, സിമുൽട്ടേനിയസ് എക്സിബിഷനുകൾ, ചെസ്സ് ക്വിസ്സുകൾ എന്നിവയും നടന്നു.

രക്ഷിതാക്കൾക്ക് വേണ്ടി സംഘടിപ്പിച്ച ബ്ലിറ്റ്സ് ചെസ് മത്സരം വളരെ ആവേശകരവും ശ്രദ്ധേയവുമായിരുന്നു. രക്ഷിതാക്കളുടെ സജീവ പങ്കാളിത്തം പരിപാടിയുടെ വിജയത്തിന് ഒരു മുതൽക്കൂട്ടായി. പ്രമുഖ ചെസ്സ് കളിക്കാർ തങ്ങളുടെ അനുഭവങ്ങൾ പങ്കുവെക്കുകയും ചെസ്സിന്റെ തന്ത്രങ്ങളെക്കുറിച്ച് ക്ലാസുകൾ എടുക്കുകയും ചെയ്തു.

ചെസ്സ് ഒരു വിനോദം എന്നതിലുപരി മാനസിക കഴിവുകൾ വർദ്ധിപ്പിക്കുന്നതിനും ഏകാഗ്രത, പ്രശ്നപരിഹാര ശേഷി എന്നിവ മെച്ചപ്പെടുത്തുന്നതിനും സഹായിക്കുന്ന ഒരു ഉപാധിയാണെന്ന് സംഘാടകർ അഭിപ്രായപ്പെട്ടു. ലോക ചെസ് ദിനാഘോഷം ഒമാനിൽ ചെസ്സ് കളിയുടെ വളർച്ചയ്ക്ക് പുതിയ ഉണർവ് നൽകുമെന്നാണ് പ്രതീക്ഷിക്കുന്നത്.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕