'സോഹാറിയൻസ് കല' വിന്റർ ഫെസ്റ്റും ടാലന്റ് ഹണ്ടും ജനുവരി 3 ന് സൊഹാറിൽ

സൊഹാർ: 'ബാത്തിനോത്സവം 2025' ന്റെ ഭാഗമായി സൊഹാറിയൻസ് കല ട്രിപ്പിൾ എ ഇവന്റ്സുമായി സഹകരിച്ച് 'വിന്റർ ഫെസ്റ്റും' 'ടാലന്റ് ഹണ്ടും ' നടത്തുന്നു.

ജനുവരി 31 ന് നടക്കുന്ന 'ബാത്തിനോത്സവം 2025' ന്റെ ഭാഗമായി ജനുവരി 3 ന് സൊഹാർ ലുലു മാളിന്റെ പാർട്ടി ഹാളിൽ വെച്ചാണ് 'വിന്റർ ഫെസ്റ്റും' 'ടാലന്റ് ഹണ്ടും' സങ്കടിപ്പിച്ചിരിക്കുന്നത്. ബാത്തിന മേഖലയിലെ സാമൂഹ്യ സാംസ്‌കാരിക മേഖലയിലെ പ്രമുഖർ പങ്കെടുക്കുമെന്ന് സെക്രട്ടറി ശ്രീജേഷ് പറഞ്ഞു.

വൈകീട്ട് മൂന്ന് മണിമുതൽ ആരംഭിക്കുന്ന പരിപാടിയിൽ ല മൊദ ഫാഷൻ ഷോ, കരോക്കെ ഗാനാലാപന മത്സരം, തത്സമയ കൊറിയോ ഗ്രാഫി മത്സരം എന്നിവ അരങ്ങേറും.

ഒമാന്റെ വിവിധ മേഖലയിൽ നിന്നുള്ള മത്സരാർഥികൾ പങ്കെടുക്കുന്ന മത്സരത്തിലേക്കുള്ള റെജിസ്‌ട്രേഷൻ പുരോഗമിക്കുന്നതായി സംഘാടകർ അറിയിച്ചു. കൂടാതെ വൈവിധ്യ മാർന്ന മറ്റു കാലപരിപാടികളും വേദിയിൽ അരങ്ങേറും.

വനിതാ വിഭാഗം കൺവീനർ മാരായ ലിൻസി സുഭാഷ്, ഹസിത സുഷാം എന്നിവരുടെ നേതൃത്വത്തിൽ പരിപാടി വിജയിപ്പിക്കാനുള്ള മുന്നൊരുക്കങ്ങൾ നടന്നു വരുന്നു. പുതുമ നിറഞ്ഞ പരിപാടിയിലൂടെ ഈ വിന്റർ മനോഹരമാക്കാനും, കഴിവുറ്റ കലാകാരികളെയും കലാകാരന്മാരെയും കണ്ടെത്തി അവരെ പ്രോത്സാഹിപ്പിക്കാനും ഉതുകുന്ന തരത്തിലാണ് മത്സരം ക്രോഡീകരിച്ചിരിക്കുന്നതെന്ന് സൊഹാറിയൻസ് കല കൺവീനർ സുഷാം എസ്. പറഞ്ഞു.

റഫീഖ് പറമ്പത്

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf & https://www.facebook.com/MalayalamVarthakalNews?mibextid=kFxxJD

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

⭕⭕⭕⭕⭕⭕⭕⭕⭕

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕