മസ്‌കറ്റിൽ ആദ്യമായി കെസ്റ്റർ

മസ്‌കറ്റ്: മസ്‌കറ്റിൽ ആദ്യമായി കെസ്റ്റർ "സ്നേഹ സംഗീതം 2025" ഭക്തി സാന്ദ്രമായി. സംഗീതത്തിന്റെ മാസ്മരികതയിൽ മസ്‌കറ്റിലെ ക്രൈസ്തവ സമൂഹം ഭക്തിനിർഭരമായ നിമിഷങ്ങളാൽ ഹൃദയം നിറച്ചു.

മസ്‌കറ്റ് മാർ ഗ്രീഗോറിയോസ് ഓർത്തഡോക്സ് മഹാ ഇടവകയുടെ ആഭിമുഖ്യത്തിൽ 'സ്നേഹ സംഗീതം 2025' എന്ന ക്രിസ്തീയ ഗാന സംഗീത സന്ധ്യ ശ്രദ്ധേയമായി. റുവി ചർച്ച് കോംപ്ലക്സിലെ ന്യൂ പിസിഒ ഹാളാണ് ഈ സംഗീത വിരുന്നിന് വേദിയായത്.

ക്രിസ്തീയ ഗാന രംഗത്ത് തന്റേതായ വ്യക്തിമുദ്ര പതിപ്പിച്ച അതുല്യ ഗായകൻ കെസ്റ്റർ ആദ്യമായി മസ്‌കറ്റിൽ പങ്കെടുത്ത പരിപാടിയാണിത്. പ്രശസ്ത പിന്നണി ഗായികമാരായ ചിത്ര അരുൺ, ശ്രേയ അന്ന ജോസഫ് എന്നിവരും അദ്ദേഹത്തോടൊപ്പം സംഗീത സന്ധ്യയിൽ അണിനിരന്നു. ലൈവ് ഓർക്കസ്ട്രക്ക് അനുപ് കോവളമാണ് നേതൃത്വം നൽകിയത്.

വലിയ ജനാവലിയുടെ സാന്നിധ്യത്തിൽ അരങ്ങേറിയ ഗാനമേള ശ്രോതാക്കളുടെ മനസ്സിനെ സ്പർശിക്കുന്ന അനുഭവമായി. ഇടവക വികാരി ഫാ. തോമസ് ജോസ്, അസോസിയേറ്റ് വികാരി ഫാ. ലിജു തോമസ്, ട്രസ്റ്റി ജോൺ പി. ലൂക്ക്, കോ-ട്രസ്റ്റി അജു തോമസ്, സെക്രട്ടറി ഡോ. കുര്യൻ എന്നിവർ പരിപാടികൾക്ക് നേതൃത്വം നൽകി. കൂടാതെ കൺവീനർമാരായ ജോൺ തോമസ്, ബൈജു ബാബു ജോൺ, ബെൻസൺ സ്കറിയ, നെബി തോമസ് എന്നിവരും പരിപാടിയുടെ വിജയത്തിനായി പ്രവർത്തിച്ചു. മസ്‌കറ്റ് മാർ ഗ്രീഗോറിയോസ് ഓർത്തഡോക്സ് മഹാ ഇടവകയുടെ ചരിത്രത്തിലെ അവിസ്മരണീയമായ ഒരധ്യായമായി 'സ്നേഹ സംഗീതം 2025' മാറി.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

SNEHA SANGEETHAM 2025