SKSSF Creation: Regional Level Competitions Closed

മസ്കറ്റ്: എസ് കെ എസ് എസ് എഫ് സംസ്ഥാന കമ്മിറ്റിയുടെ പതിനഞ്ചാമത് എഡിഷൻ സർഗ്ഗലയത്തിന്റെ ചുവട് പിടിച്ച് ഒമാൻ നാഷണൽ കമ്മിറ്റിയുടെ കീഴിൽ വിവിധ എസ് കെ എസ് എസ് എഫ് മേഖല കമ്മിറ്റികളുടെ നേതൃത്വത്തിൽ കലാ സാഹിത്യ മൽസരങ്ങൾ കോർത്തിണക്കി സർഗ്ഗലയം സംഘടിപ്പിച്ചത് ഒമാനിലെ വിദ്യാർത്തികൾക്കും രക്ഷിതാക്കൾക്കും നവ്യാനുഭവമായി.

ഇരുപത്തിരണ്ട് മത്സര ഇനങ്ങളിലായി നാനൂറോളം മത്സരാർത്ഥികൾ നാല് മേഖലകളിലായി പന്ത്രണ്ട് വേദികളിൽ മാറ്റുരച്ചു. ആസിമ മേഖലയിൽ ബൗഷർ ഏരിയ ഒന്നാം സ്ഥാനവും മത്ര, റൂവി യഥാക്രമം രണ്ടും മൂന്നും സ്ഥാനവും കരസ്തമാക്കി. വസതിയ്യ മേഖലയിൽ ബർക ഏരിയ ഒന്നാം സ്ഥാനവും മബേല, അൽ ഹൈൽ രണ്ടും മൂന്നും സ്ഥാനവും നേടി. ശർഖിയ്യ മേഖലയിൽ ഇബ്ര ഏരിയ ഒന്നാം നേടിയപ്പോൾ സൂർ, സിനാവ് രണ്ടും മൂന്നും സ്ഥാനങ്ങൾ കരഗതമാക്കി. ബാതിന മേഖലയിൽ സോഹാർ ഏരിയ ഒന്നാം സ്ഥാനം നേടിയപ്പോൾ ഷിനാസ്, സഹം രണ്ടും മൂന്നും സ്ഥാനം കരസ്തമാക്കി.

എസ് കെ എസ് എസ് എഫ് ഒമാൻ നാഷണൽ കമ്മിറ്റിയുടെ നേതൃത്വത്തിൽ ജനുവരി 10 ന് വെള്ളിയാഴ്‌ച സൂറിൽ വെച്ച് നാഷണൽ സർഗ്ഗലയം ഗ്രാന്റ് ഫിനാലെ അരങ്ങേറും. പത്തൊമ്പത് മത്സര ഇനങ്ങളിലായി മേഖല സർഗലയത്തിലെ ഒന്നും രണ്ടും സ്ഥാനം ലഭിച്ച മത്സരാർത്ഥികൾ മൂന്ന് വേദികളിലായി മാറ്റുരക്കും. അൽ ഫവാരിസ് ഹാൾ പ്രധാന വേദിയായിരിക്കും.

ഒമാനിലെ ഏറ്റവും വലിയ ഇസ്ലാമിക കലാ-സാഹിത്യ മേളയുടെ ഒരുക്കങ്ങൾ പൂർത്തിയായതായി ഒമാൻ എസ് കെ എസ് എസ് എഫ് നാഷണൽ കമ്മിറ്റി ഭാരവാഹികൾ അറിയിച്ചു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf & https://www.facebook.com/MalayalamVarthakalNews?mibextid=kFxxJD

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

⭕⭕⭕⭕⭕⭕⭕⭕⭕

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕