Silal Malayali Sangham First Anniversary

മസ്‌കറ്റ്: സിലാല്‍ മലയാളി കൂട്ടായ്മയുടെ (എസ് എം കെ) ഒന്നാം വാര്‍ഷികാഘോഷം ജനുവരി 23 വെള്ളിയാഴ്ച ബര്‍കയിലെ ഫോര്‍ സീസണ്‍സ് വില്ലാസ് ഫാം ഹൗസില്‍ നടക്കുമെന്ന് ഭാരവാഹികള്‍ വാര്‍ത്ത സമ്മേളനത്തില്‍ അറിയിച്ചു.

ബര്‍ക്കയിലെ ഖസാഇന്‍ സിറ്റിയിലെ സിലാല്‍ ഫ്രൂട്ട് ആന്റ് വെജിറ്റബിള്‍ മാര്‍ക്കറ്റുമായി ബന്ധപ്പെട്ട് പ്രവര്‍ത്തിക്കുന്ന മലയാളി സമൂഹം രൂപീകരിച്ച ഒരു സ്വതന്ത്ര കൂട്ടായ്മയാണ് എസ് എം കെ. മവേലയിലെ പഴയ - പഴം പച്ചക്കറി മാര്‍ക്കറ്റുമായി ബന്ധപ്പെട്ട് പ്രവര്‍ത്തിക്കുന്ന മലയാളി കച്ചവടക്കാരും, ജീവനക്കാരും ഈ കൂട്ടായ്മയുടെ ഭാഗമാണ്.

കൂട്ടായ്മയിലെ അംഗങ്ങള്‍ക്കിടയില്‍ ഐക്യവും, സ്‌നേഹവും, സഹകരണ മനോഭാവവും ഊട്ടിയുറപ്പിക്കുക, സാംസ്‌കാരികവും, സാമൂഹികവുമായ പ്രവര്‍ത്തനങ്ങള്‍ പ്രോത്സാഹിപ്പിക്കുക തുടങ്ങിയവയാണ് എസ് എം കെയുടെ പ്രധാന ലക്ഷ്യങ്ങള്‍ എന്ന് പ്രസിഡന്റ് അബ്ദുല്‍ വാഹിദ് പറഞ്ഞു. കൂട്ടായ്മയിലെ അംഗങ്ങള്‍ക്ക് ആവശ്യമായ സമയങ്ങളില്‍ സാമ്പത്തിക സഹായങ്ങളും, മറ്റു പിന്തുണയും നല്‍കാന്‍ കഴിഞ്ഞുവെന്നും അദ്ദേഹം പറഞ്ഞു.

ജനുവരി 23 വെള്ളിയാഴ്ച നടക്കുന്ന ഒന്നാം വാര്‍ഷിക ആഘോഷത്തില്‍ അംഗങ്ങളുടെയും, കുടുംബാംഗങ്ങളുടെയും വിവിധ കലാ - കായിക പരിപാടികള്‍, സാംസ്‌കാരിക സമ്മേളനം, മാര്‍ക്കറ്റില്‍ ദീര്‍ഘകാലം പ്രവര്‍ത്തിച്ച മുതിര്‍ന്ന അംഗങ്ങളെ ആദരിക്കല്‍ തുടങ്ങിയ പരിപാടികളാല്‍ സമ്പന്നമാകും.

മാര്‍ക്കറ്റ് കേന്ദ്രീകരിച്ചും, അല്ലാതെയും പ്രവര്‍ത്തിക്കുന്ന വിവിധ സ്ഥാപനങ്ങളും കമ്പനികളും ഈ പരിപാടിയുടെ പ്രയോജകരിണ്.

ഉപദേശക സമിതി ചെയര്‍മാന്‍ അബ്ദുല്‍ ജബ്ബാര്‍, പ്രസിഡന്റ് അബ്ദുല്‍ വാഹിദ്, സെക്രട്ടറി മുജീബ് സി എച്ച്, പ്രോഗ്രാം കണ്‍വീനര്‍ സൈദ് ശിവപുരം, വൈസ് പ്രസിഡന്റ് ദാസ് ചാലില്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.

റിപ്പോർട്ട്: ഷാർഗി ഗംഗാധർ

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക ttps://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

First Anniversary Celebration of Muscat Silal Malayali Sangham on Friday 23rd January Silal Malayali Sangham First Anniversary