Tue Dec 12, 2023 10:56 PM 1ST

Location  

Sign In

ഒമാനിൽ ചരിത്രമായി സമസ്ത 100-ാം വാർഷിക പ്രചരണ സമ്മേളനം

28 Nov 2025 21:09 IST

ENLIGHT MEDIA OMAN

Share News :

മസ്‌കറ്റ്: ഒമാനിൽ ചരിത്രമായി സമസ്ത 100-ാം വാർഷിക പ്രചരണ സമ്മേളനം. കേരള മുസ്ലിം സംഘ ശക്തിയുടെ ഉൾതുടിപ്പായി ഉയർന്നുനിൽക്കുന്ന സമസ്തയുടെ നൂറിന്റെ പ്രഭ മനസ്സിലാവാഹിച്ച് ഒമാനിന്റെ വിവിധ ഭാഗങ്ങളിൽ നിന്ന് പ്രവർത്തകർ കദറയിലേക്ക് ഒഴുകിയെത്തിയപ്പോൾ സമസ്ത നൂറാം വാർഷിക ഒമാൻ തല പ്രചാരണ സമ്മേളനം ഖദറയിൽ ചരിത്രം സൃഷ്ടിച്ചു. 

ആദർശ വിശുദ്ധി നൂറ്റാണ്ടുകളിലൂടെ എന്ന പ്രമേയത്തിൽ ഫെബ്രുവരി 4 മുതൽ 8 വരെ കാസർകോട് കുണിയയിൽ നടക്കുന്ന സമസ്ത നൂറാം വാർഷിക അന്താരാഷ്ട്ര മഹാ സമ്മേളനത്തിന്റെ പ്രചരണാർത്ഥം എസ്.ഐ.സി ഒമാൻ നാഷണൽ കമ്മിറ്റി സംഘടിപ്പിച്ച സമസ്ത ഒമാൻ തല പ്രചാരണ സമ്മേളനം സമസ്ത പ്രസിഡൻ്റ് സയ്യിദുൽ ഉലമ സയ്യിദ് ജിഫ്രി മുത്തുക്കോയ തങ്ങൾ ഉദ്ഘാടനം ചെയ്തു. എസ്. ഐ. സി ഒമാൻ നാഷണൽ കമ്മിറ്റി പ്രസിഡൻ്റ് അൻവർ ഹാജി അധ്യക്ഷനായി. പാണക്കാട് സയ്യിദ് സാബിഖ് അലി ശിഹാബ് തങ്ങൾ അനുഗ്രഹ ഭാഷണം നടത്തി. ഇബ്രാഹിം ഫൈസി പേരാൽ മുഖ്യ പ്രഭാഷണം നടത്തി. 

ബുർദ്ധ ആലാപനത്തോടെ ആരംഭിച്ച പരിപാടിയിൽ കെ.എൻ.എസ് മൗലവിയുടെ നേതൃത്വത്തിൽ സമസ്ത ചരിത്ര പാരായണം നടന്നു. 

സമസ്ത നൂറാം വാർഷികത്തോടനുബന്ധിച്ച് പുറത്തിറങ്ങുന്ന 100 പുസ്തകങ്ങളിൽ 10 പുസ്തകങ്ങൾ വേദിയിൽ പ്രകാശനം ചെയ്തു. 100 പുസ്തകങ്ങളിൽ ഒമാനിന്റെ ചരിത്രങ്ങൾ ഉൾക്കൊള്ളിച്ച് ഒമാനിൽ നിന്ന് പുറത്തിറക്കുന്ന പുസ്തകത്തിൻ്റെ രചയിതാവ് മുഹമ്മദ് അലി ഫൈസിയെ അനുമോദിച്ചു. അബ്ദുൽ ജലീൽ ബാഖവി പാറന്നൂർ, ഇബ്രാഹിം ഹാജി കുണിയ, മക്ക ഹൈപ്പർ മാർക്കറ്റ് ചെയർമാൻ മുഹമ്മദ് കുഞ്ഞി, ലുലു റീജിയണൽ ഡയറക്ടർ കെ.എ ഷബീർ, ഒമാൻ എസ്.ഐ.സി ചെയർമാൻ ബാവ ഹാജി, എസ്.ഐ.സി വർക്കിംഗ് പ്രസിഡൻറ് യൂസഫ് മുസ്ലിയാർ സീബ്, എസ്.ഐ.സി വൈസ് പ്രസിഡൻറ് ഇംമ്പിച്ചി അലി മുസ്‌ല്യാർ, മസ്‌കറ്റ് റെയ്ഞ്ച് പ്രസിഡൻ്റ് സയ്യിദ് ഷംസുദ്ദീൻ ഫൈസി, റെയ്ഞ്ച് ജനറൽ സെക്രട്ടറി അബ്ദുല്ലത്തീഫ് ഫൈസി സലാല, എസ് കെ എസ് എസ് എഫ് നാഷണൽ കമ്മിറ്റി പ്രസിഡൻ്റ് സക്കീർ ഹുസൈൻ ഫൈസി, ജനറൽസെക്രട്ടറി ശുഐബ്‌ പാപ്പിനിശ്ശേരി, എഞ്ചിനിയർ ഷരീഫ്, താജ് അഷ്റഫ് സാഹിബ്, അബ്ദുൽ വാഹിദ് ഹാജി, ജഹ്ഫർ സഹം, നാസർ സഹം, ലുഖ്മാൻ തർമ്മത്ത്, സൽമാൻ എ.ബി.സി കാർഗോ, ജമാൽ ഹമദാനി എന്നിവർ സംബന്ധിച്ചു. 

എസ്.ഐ.സി ജനറൽ സെക്രട്ടറി അബ്ദുൽ ഷുക്കൂർ ഹാജി സ്വാഗതവും ട്രഷറർ സഈദലി ദാരിമി നന്ദിയും പറഞ്ഞു. 

എസ്കെഎസ്എസ്എഫ് മനുഷ്യജാലിക ബറക്കയിൽ

മസ്‌കറ്റ്: രാഷ്ട്രരക്ഷയ്ക്ക് സൗഹൃദത്തിൻറെ കരുതൽ എന്ന പ്രമേയത്തിൽ എസ് കെ എസ് എസ് എഫ് നടത്തുന്ന മനുഷ്യജാലിക ജനുവരിയിൽ ഒമാനിലെ ബറക്കയിൽ നടക്കുമെന്ന് ഒമാനിൽ നടന്ന സമസ്ത ഒമാൻ തല പ്രചാരണ സമ്മേളനത്തിൽ സയ്യിദുൽ ഉലമ സയ്യിദ് ജിഫ്രി മുത്തുകോയ തങ്ങൾ പ്രഖ്യാപിച്ചു. 

തഹിയ്യ ഫണ്ട് : ഒരു കോടി നൽകി ഒമാൻ

മസ്‌കറ്റ്: സുകൃത വഴിക്ക് ശക്തി പകരാൻ സമസ്ത കേരള ജംഇയ്യത്തുൽ ഉലമ നടത്തുന്ന തഹിയ ഫണ്ടിലേക്ക് ഒരുകോടി രൂപ നൽകി ഒമാൻ. എസ്.ഐ.സി ഒമാൻ നാഷണൽ കമ്മിറ്റിയുടെ നേതൃത്വത്തിൽ എസ്.കെ.എസ്.എസ്.എഫ്, മസ്കറ്റ് റെയ്ഞ്ച് ജംഇയ്യത്തുൽ മുഅല്ലിമീൻ എന്നിവയുടെ സഹകരണത്തോടെയാണ് ഫണ്ട് സമാഹരിക്കുന്നത്.


⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Follow us on :

More in Related News