ഒമാനിൽ മെയ്‌ തുടക്കത്തിൽ തന്നെ ഉഷ്ണതരംഗം അനുഭവപ്പെട്ടു തുടങ്ങി: ജാഗ്രത പാലിക്കണമെന്ന് അധികൃധർ

മസ്‌കറ്റ്: ഒമാന്റെ പല ഭാഗങ്ങളിലും താപനില കുതിച്ചുയർന്നു. സിവിൽ ഏവിയേഷൻ അതോറിറ്റിയുടെ കാലാവസ്ഥാ കേന്ദ്രങ്ങൾ അറിയിച്ചത് പ്രകാരം ചൊവ്വാഴ്ച ഏറ്റവും ഉയർന്ന താപനിലയായ 47.1°C സുഹാറിൽ രേഖപ്പെടുത്തി.

സുഹാറിന് തൊട്ടു പിന്നാലെ സൂറും സുവയ്ക്കും ചൂടിന്റെ പൊള്ളിച്ചയിൽ തൊട്ടടുത്തു നിൽക്കുന്നു. കഴിഞ്ഞ നാൽപ്പത്തിഎട്ട് മണിക്കൂറിനുള്ളിൽ യഥാക്രമം 45.6°C ഉം 45.5°C ഉം രേഖപ്പെടുത്തി. ഉയർന്ന താപനില റിപ്പോർട്ട് ചെയ്ത മറ്റ് സ്ഥലങ്ങൾ സീബ് (44.7°C), ഹംറ അൽ ദുരു (44°C), അൽ അവാബി (43.8°C), ഫഹുദ് (43.7°C), ഖൽഹത്ത് (43.6°C), സമൈൽ (43.5°C), ഇബ്രി (42.4°C), എന്നിവയാണ്. അതിശക്തമായ ചൂട് ഉടനടി കുറയുന്നതിന്റെ ലക്ഷണങ്ങൾ കാണിക്കാത്തതിനാൽ, ആരോഗ്യ വിദഗ്ധർ ജാഗ്രത പാലിക്കാൻ നിർദ്ദേശിക്കുന്നു. 

ദാഹിച്ചില്ലെങ്കിൽ പോലും ആളുകൾ ഇടയ്ക്കിടെ വെള്ളം കുടിക്കുകയും കഫീൻ ഒഴിവാക്കുകയും വേണം. ഇളം വസ്ത്രം ധരിക്കുന്നതും പുറത്ത് ആയാസകരമായ പ്രവർത്തനങ്ങൾ ഒഴിവാക്കുന്നതും അത്യാവശ്യമാണ്. മുഖവും കഴുത്തും തണുപ്പിക്കാൻ നനഞ്ഞ തുണി കൈവശം വയ്ക്കുന്നത് ശരീര താപനില കുറയ്ക്കാൻ സഹായിക്കും. കുട്ടികൾക്കും പ്രായമായവർക്കും താപനില കൂടിയ വേളയിൽ പ്രത്യേക പരിചരണം ആവശ്യമാണ്. പുറത്ത് ജോലി ചെയ്യുന്നവർക്ക്, ചൂട് സുരക്ഷാ മാർഗ്ഗനിർദ്ദേശങ്ങൾ പാലിക്കേണ്ടതിന്റെ ആവശ്യകത അധികൃതർ ആവർത്തിച്ചു. നിർമ്മാണ മേഖലകൾ പോലുള്ള ഉയർന്ന അപകടസാധ്യതയുള്ള സ്ഥലങ്ങളിൽ തണലുള്ള വിശ്രമ സ്ഥലങ്ങളും ജലാംശം നൽകുന്ന സ്റ്റേഷനുകളും ഇപ്പോൾ നിർബന്ധമാണെന്ന് തൊഴിൽ സുരക്ഷാ വിദഗ്ധന്മാർ അഭിപ്രായപെടുന്നു.  

ഉഷ്ണതരംഗം തുടരുമെന്ന് പ്രതീക്ഷിക്കുന്നതിനാൽ ചൂട് കൂടുതൽ അനുഭപ്പെടുന്ന സമയങ്ങളിൽ വീടിനുള്ളിൽ തന്നെ തുടരാനും പതിവായി ദ്രാവകങ്ങൾ കുടിക്കാനും ചൂട് സമ്മർദ്ദത്തിന്റെ ലക്ഷണങ്ങളെക്കുറിച്ച് ജാഗ്രത പാലിക്കാനും അധികാരികൾ പൊതുജനങ്ങളോട് അഭ്യർത്ഥിക്കുന്നു.

റിപ്പോർട്: റഫീഖ് പറമ്പത്ത് 

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaoman

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕