Muscat Raptors | Enlight News Portal

മസ്‌ക്കറ്റ്: മസ്ക്കറ്റിലെ പ്രമുഖ ടെന്നീസ് ബോൾ ക്രിക്കറ്റ് ക്ലബ് ആയ മസ്ക്കറ്റ് റാപ്റ്റെഴ്സ് ആദ്യമായി സംഘടിപ്പിച്ച സഫ്‌വാൻ അൽഖോബ്ര ന്യൂ ഇയർ ബാഷ് 2025 ക്രിക്കറ്റ് ടൂർണമെന്റിൽ അസ്വന്ദർ ക്രിക്കറ്റ് ടീം ജേതാക്കളായി.

വെള്ളിയാഴ്ച മിസ്ഫയിലെ ഒ സി സി ഗ്രൗണ്ടിൽ നടന്ന ടൂർണമെന്റിൽ, അഭിജിത്തിന്റെ നേതൃത്ത്വത്തിലിറങ്ങിയ ശക്തരായ ടീം ലൈക്കയെ എട്ടു വിക്കറ്റിന് പരാജയപ്പെടുത്തിയാണ് അസ്വെന്ദർ ജേതാക്കളായത്. ഫൈനലിൽ തീപാറും ബൗളിംഗ് പ്രകടനം പുറത്തെടുത്ത അസ്വന്ദറിന്റെ ഹസ്നൈൻ മാൻ ഓഫ് ദി മാച്ച് ആയി. ടൂർണമെന്റിലെ മികച്ച ബാറ്ററായി അദ്നാൻ ഷായെയും ബെസ്ററ് ബൗളർ ആയി ടീം ലൈകയുടെ സഞ്ജിത്തിനെയും തിരഞ്ഞെടുത്തു. അദ്നാൻ ഷാ തന്നെയാണ് ടൂർണമെന്റിന്റെ പ്ലയെർ ആയും തിരഞ്ഞെടുക്കപ്പെട്ടത്.

ജേതാക്കൾക്കുള്ള ക്യാഷ് പ്രൈസും ട്രോഫിയും ഗ്ലോബൽ എനർജി മാനേജിങ് ഡയറക്ടർ ആക്കിൽ നജീബ്, ബ്രേവ് ഹാർട്ടിന്റെ സന്തോഷ് കെവി എന്നിവരും റണ്ണേഴ്‌സിനുള്ള ട്രോഫിയും ക്യാഷ് പ്രൈസും ഷാഹി ഒമാൻ ജനറൽ മാനേജർ മുഹമ്മദ് അഷ്റഫ്, കുമിൻസ് കാറ്ററിങ് മാനേജിങ് ഡയറക്ടർ റസാം മീത്തൽ എന്നിവരും ചേർന്ന് സമ്മാനിച്ചു.

രാവിലെ പത്തുമണിക്കാരംഭിച്ച ടൂർണമെന്റ് വൈകീട്ട് ആറുമണിയോടെ സമാപിച്ചു. ടീമിന്റെ സാരഥികളായ ഷാഫി സെയ്ത്, സൈനുൽ ആബിദ്, സഫ്‌വാൻ, ഇർഷാദ്, അബ്ദുൽ റസാഖ് എന്നിവരുടെ നേതൃത്വത്തിൽ മികച്ച രീതിയിൽ സംഘടിപ്പിക്കപ്പെട്ട ടൂർണമെന്റിൽ മസ്‌കറ്റിലെ കരുത്തരായ പതിനാറോളം ടീമുകൾ പങ്കെടുത്തു.

✳️✳️✳️✳️✳️✳️✳️✳️✳️

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

https://www.facebook.com/MalayalamVarthakalNews