missing Malayali Jawan GURUVAYOOR

മസ്‌കറ്റ്: മലയാളി ജവാനെ കാണാതായതിൽ രാഷ്ട്രപതി ഇടപെടണമെന്നാവശ്യപ്പെട്ട് പിതാവ് മസ്‌കറ്റിൽ ഇന്ത്യൻ എംബസിയെ സമീപിച്ചു. തൃശ്ശൂർ ഗുരുവായൂർ താമരയൂർ സ്വദേശി പൊങ്ങണം വീട്ടിൽ ഫർസീൻ ഗഫൂറിനെയാണ് കാണാതായത്. പുണെയിലെ ആർമി മെഡിക്കൽ കോളജിലാണ് ജോലി ചെയ്തിരുന്നത്. പരിശീലനത്തിനായി ബറേലിയിലേക്ക് പോയെന്നാണ് കുടുംബം പറയുന്നത്.

ബറേലിയിലേക്ക് പോകാൻ 9നാണ് ബാന്ദ്രയിൽനിന്ന് റാംനഗർ എക്സ്പ്രസ് ട്രെയിനിൽ കയറിയത്. 10–ാം തീയതിവരെ കുടുംബവുമായി ബന്ധപ്പെട്ടിരുന്നു. പിന്നീട് ഫോണിൽ ബന്ധപ്പെടാനായില്ല.

ബറേലിക്ക് തൊട്ടടുത്തുള്ള സ്ഥലത്താണ് അവസാന ടവർ ലൊക്കേഷൻ കാണിച്ചത്. പരിശീലനത്തിനും എത്തിയില്ല. ഒറ്റയ്ക്കാണ് യാത്ര ചെയ്തത്. മൂന്നു മാസം മുൻപാണ് അവസാനമായി നാട്ടിൽ വന്നത്.

ഗുരുവായൂർ എംഎൽഎയ്ക്കു പരാതി നൽകിയതിനു പിന്നാലെ കേന്ദ്രമന്ത്രി സുരേഷ് ഗോപിക്കും കുടുംബം പരാതി നൽകിയിരുന്നു.

പോലീസ് അന്വേഷണം ഊർജ്ജിത പ്പെടുത്തിയിട്ടുണ്ട്. സൈനികതലത്തിലും അന്വേഷണം നടക്കുന്നുണ്ട്. ബന്ധുക്കളും സുഹൃത്തുക്കളും ഫർസിനെ തിരഞ്ഞു ബറെലിയിലേക്ക് പുറപ്പെട്ടിട്ടുണ്ട്. ബഹ്റൈനിലുള്ള സഹോദരനും ബന്ധുവും ഡൽഹിയിലേക്ക് തിരിച്ചിട്ടുണ്ട്.

ലീവിന് നാട്ടിലെത്തുമ്പോഴെല്ലാം സാമൂഹ്യ പ്രവർത്തനങ്ങളിലും സജീവമായിരുന്ന ഫർസിനു വേണ്ടി നാട് മുഴുവൻ പ്രാർഥനയോടെ കാത്തിരിക്കുകയാണ്.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕