'ബാത്തിനോത്സവം-2025' വെള്ളിയാഴ്ച മന്ത്രി എം ബി രാജേഷ് ഉദ്ഘാടനം ചെയ്യും

സൊഹാർ: ബാത്തിന സൗഹൃദ വേദിയുടെ ആഭിമുഖ്യത്തിൽ നടക്കുന്ന 'ബാത്തിനോത്സവം-2025' സോഹാറിലെ അൽവാദി ഹോട്ടൽ ഗ്രൗണ്ടിൽ ജനുവരി 31 ന് വെള്ളിയാഴ്ച അരങ്ങേറും. വൈകീട്ട് 5 മണിക്ക് ആരംഭിക്കുന്ന ബാത്തിനോത്സവം കേരളത്തിലെ തദ്ദേശ സ്വയം ഭരണഎക്‌സ്‌സൈസ് വകുപ്പ് മന്ത്രി എം ബി രാജേഷ് ഉദ്ഘാടനം ചെയ്യും.

ഉത്സവ പ്രതീതി സൃഷ്ടിക്കുന്ന വിധമാണ് ബാത്തിനോത്സവം സംഘടിപ്പിക്കുന്നത് എന്ന് സംഘാടകർ അറിയിച്ചു. ബിദായ മുതൽ ബുറൈമി വരെയുള്ള 11 മേഖലകളിലെ ബാത്തിന സൗഹൃദ വേദി അംഗങ്ങൾ ഒരുക്കുന്ന ഘോഷയാത്ര മുഖ്യ ആകർഷണമായിരിക്കും.

ചെണ്ടമേളം, പഞ്ചാവാദ്യം, പുലികളി, ദഫ് മുട്ട്, ഒപ്പന, താലപൊലി, വിവിധ ഇന്ത്യൻ കലാരൂപങ്ങൾ, കുട്ടികളുടെ പ്രകടനം തുടങ്ങിയവ അരങ്ങേറും.തുടർന്ന് മസ്‌കത്ത്‌ പഞ്ചവാദ്യ സംഘം അവതരിപ്പിക്കുന്ന പഞ്ചാവാദ്യം ഉത്സവത്തിന് കൊഴുപ്പ് കൂട്ടും.

എഴുപതോളം നർത്തകിമാർ പങ്കെടുക്കുന്ന 'നാട്യാഞ്ജലി' വേദിയിൽ അരങ്ങേറും, നാട്ടിൽ നിന്ന് എത്തുന്ന അൻവർ സാദത്ത്‌, ലക്ഷ്മി ജയൻ, ഫാസില ബാനു, കൗഷിക്, അനന്ത പത്പനാഭൻ, ദേവപ്രിയ, എന്നിവരുടെ ഗാനമേള, മ്യൂസിക് ഫ്യൂഷൻ, കൂടാതെ ചിരിപടർത്തുന്ന കോമഡി താരങ്ങളായ ഷാജി മാവേലിക്കരയും, വിനോദ് കുറിയന്നൂർ ചേർന്ന് അവതരിപ്പിക്കുന്ന കോമഡി ഉത്സവവും ഉണ്ടായിരിക്കും. പ്രവേശനം സൗജന്യമായിരിക്കുമെന്ന് ഭാരവാഹികൾ അറിയിച്ചു.

✳️✳️✳️✳️✳️✳️✳️✳️✳️

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

https://www.facebook.com/MalayalamVarthakalNews