മഞ്ജു നിഷാദിന് യാത്രയയപ്പ് നല്കി

മസ്‌ക്കറ്റ്: ഒമാനിലെ പ്രവാസ ജീവിതത്തിൽ നിന്നും പടിയിറങ്ങുന്ന മലയാളം മിഷൻ സൂർ മേഖല കമ്മിറ്റി അംഗവും, ആദ്യകാല അദ്ധ്യാപികയും, മലയാളം മിഷൻ ഒമാൻ പ്രവർത്തക സമിതി അംഗവുമായ മഞ്ജു നിഷാദിന് സൂർ മേഖലാ കമ്മിറ്റി യാത്രയയപ്പ് നൽകി.

യാത്രയയപ്പ് പരിപാടി മലയാളം മിഷൻ ഒമാൻ സെക്രട്ടറി അനു ചന്ദ്രൻ ഉദ്ഘാടനം ചെയ്തു. ഇന്ത്യൻ സോഷ്യൽ ക്ലബ്‌ സൂർ ബ്രാഞ്ച് പ്രസിഡന്റും സൂർ മേഖല കമ്മിറ്റി അംഗവുമായ എ കെ സുനിൽ, ഇന്ത്യൻ സോഷ്യൽ ക്ലബ്‌ സൂർ ബ്രാഞ്ച് സെക്രട്ടറിയും സൂർ മേഖല കമ്മിറ്റി അംഗവുമായ മുഹമ്മദ്‌ ഷാഫി, സൂർ മേഖല കമ്മിറ്റി അംഗങ്ങളായ സജീവൻ ആമ്പല്ലൂർ, ശ്രീധർ ബാബു, രൂപേഷ് ആലക്കാട്, ശിവദാസ് മൂച്ചുകുന്ന്, അബ്ദുൾ ജലീൽ, ജി കെ പിള്ള, അധ്യാപികമാരായ രേഖ മനോജ്, ഷംന അനസ് ഖാൻ, റുബീന റാസിഖ്, ഓൽഗ നീരജ്, ദീപ മാധവൻ, മാനസ ഷാനവാസ് എന്നിവർ ആശംസകൾ അർപ്പിച്ചു സംസാരിച്ചു.

മലയാളം മിഷൻ ഒമാൻ പ്രവർത്തനസമിതി അംഗവും മേഖലാ കമ്മിറ്റി അംഗവുമായ സൈനുദ്ദീൻ കൊടുവള്ളി അദ്ധ്യക്ഷത വഹിച്ച യോഗത്തിൽ മേഖലാ കമ്മിറ്റി അംഗം നീരജ് പ്രസാദ് സ്വാഗതവും സുലജ സഞ്ജീവൻ നന്ദിയും പറഞ്ഞു. മഞ്ജു നിഷാദിന് സൂർ മേഖലയുടെയും മലയാളം മിഷൻ ഒമാന്റെയും സ്നേഹോപഹാരവും സമർപ്പിച്ചു.

✳️✳️✳️✳️✳️✳️✳️✳️✳️

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

Tags:

Manju Nishad farewell