കുതിച്ചുയര്‍ന്ന് വിനിമയ നിരക്ക്: ഇന്ത്യൻ രൂപയുടെ മൂല്യം ഇടിയുന്നത് തുടരുന്നു

മസ്‌കറ്റ്: ഇന്ത്യൻ രൂപയുടെ മൂല്യം ഇടിയുന്നത് തുടരുന്നു. അനുബന്ധമായി വിനിമയ നിരക്ക് ഉയരുകയും ഗള്‍ഫ് കറന്‍സികള്‍ ശക്തിപ്രാപിക്കുകയും ചെയ്യുന്നു. ഒരു റിയാലിന് 223.60 രൂപയാണ്‌ ഇന്നത്തെ ഒമാനിലെ ധനവിനിമയ സ്ഥാപനങ്ങള്‍ നല്‍കുന്ന നിരക്ക്.

വിനിമയ നിരക്ക് കുതിച്ചുയരുന്നതിന്റെ ആനുകൂല്യം മുതലെടുക്കുകയാണ് പ്രവാസി ഇന്ത്യക്കാര്‍. ഡിസംബര്‍ അവസാന വാരത്തിലും ജനുവരിയുടെ ആദ്യ ദിനങ്ങളിലും മണി എക്‌സ്‌ചേഞ്ചുകളില്‍ ഇടപാടുകളില്‍ വര്‍ധനവുണ്ടായി.

ഓണ്‍ലൈന്‍ ആപ്പുകള്‍ ഉപയോഗിക്കുന്നവരും നിരവധിയാണ്. സേവന നിരക്കില്ലാത്ത ആപ്പ് സേവനങ്ങളെ ആശ്രയിക്കുകയാണ് പലരും. കഴിവതും തുക നാട്ടിലേക്ക് അയക്കാനുള്ള ശ്രമമാണ് എങ്ങും കാണുന്നത്. ഫോണില്‍ ആപ്പുകള്‍ ഇല്ലാത്തവരും സുഹൃത്തുക്കളെയും മറ്റും ആശ്രയിച്ചാണ് പണം അയക്കുന്നത്. ഇതോടെ ഇന്ത്യയിലേയ്ക്ക് കോടികൾ തന്നെ പ്രവാസികളുടെ പണമായി എത്തിയിട്ടുണ്ടെന്നാണ് റിപ്പോർട്ടുകൾ.

ശമ്പളം മുന്‍കൂട്ടി കൈപ്പറ്റി നാട്ടിലേക്ക് അയക്കാന്‍ ശ്രമിക്കുന്ന പ്രവാസികളുമുണ്ട്. എന്നാല്‍, സാഹചര്യം മുതലെടുത്ത് വായ്പയെടുത്തോ പലിശക്ക് പണം സംഘടിപ്പിച്ചോ നാട്ടിലേക്ക് അയക്കുന്നത് ഗുണം ചെയ്യില്ലെന്നും ഭാവിയില്‍ പ്രയാസം ഉണ്ടാക്കിയേക്കുമെന്നും സാമ്പത്തിക വിദഗ്ധര്‍ പറയുന്നു.

പൊതുവെ താഴേക്ക് പതിക്കുകയായിരുന്ന ഇന്ത്യൻ രൂപയെ ട്രംപിന്റെ വിജയം കൂടുതൽ താഴ്ചയിലേക്ക് വീഴ്ത്തുകയായിരുന്നു. അമേരിക്കൻ പ്രസിഡന്റ് തിരഞ്ഞെടുപ്പിന് ശേഷം ഡോളറിന്റെ മൂല്യം കുത്തനെ ഉയർന്നതോടെ ഇന്ത്യൻ രൂപയുടെ മൂല്യം സർവ്വകാല റെക്കോർഡ് തകർച്ചയിലേയ്ക്ക് വീഴുകയായിരുന്നു.

രൂപയുടെ മൂല്യത്തിൽ ഇനിയും കുറവുണ്ടായാൽ ഈ പ്രവണത ഇനിയും ശക്തമാകുമെന്നും വിലയിരുത്തലുകളുണ്ട്. രൂപയുടെ മൂല്യത്തകർച്ച ഇന്ത്യൻ ഓഹരി വിപണിയെയും സാരമായി ബാധിച്ചിട്ടുണ്ട്. നിക്ഷേപകർ ഓഹരി വിപണിയിൽ നിന്ന് ക്രിപ്‌റ്റോ മാർക്കറ്റിലേക്ക് നിക്ഷേപം മാറ്റുന്നതും തിരിച്ചടിയായി.

⭕⭕⭕⭕⭕⭕⭕⭕⭕

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

https://www.facebook.com/MalayalamVarthakalNews