ഏകതാ സോഹറിൻ്റെ ഗംഗാതരംഗം 2025 സൊഹാറിൽ അരങ്ങേറി

03 Sep 2025 10:01 IST

Share News :

സോഹാർ: ഇന്ത്യൻ ശാസ്ത്രീയ സംഗീതത്തിൻ്റെയും നൃത്തത്തിൻ്റെയും വിവിധ കലാരൂപങ്ങളുളെ പരിചയപ്പെടുത്തുന്ന ഏകതാ സോഹർ എന്ന സംഘടനയുടെ രണ്ടാമത്തെ പ്രോഗ്രാം "ഗംഗാതരംഗം" 2025,

സൊഹാറിലെ ഗ്രീൻ ഒയാസിസ് ഹോട്ടലിൽ അരങ്ങേറി.

പ്രോഗ്രാമിൽ വയലിൻ വിസ്മയം ഗംഗാശശിധരനും സംഘവും അവതരിപ്പിച്ച വയലിൻ പ്രോഗ്രാം വൻ ആസ്വാദക ശ്രദ്ധ പിടിച്ചുപറ്റി.

സോഹാറിലെ വിവിധ സാമൂഹിക സാംസ്കാരിക സംഘടനാ പ്രവർത്തകർ, സംഗീത ആസ്വാദകർ, ഏകത മസ്‌കറ്റ്, ഏകത സോഹർ ഭാരവാഹികൾ എന്നിവർ സന്നിഹിതരായിരുന്നു.

സംഗീത നിശയിൽ പങ്കെടുത്ത 800ൽ അധികം വരുന്ന ആസ്വാദകർക്ക് വയലിൻ സംഗീതത്തിൻ്റെ വിശിഷ്ടമായ അനുഭവം ആസ്വദിക്കാൻ ലഭിച്ച അസുലഭ അവസരം കൂടി ആയി ഏകത സോഹാറിൻ്റെ ഗംഗാതരംഗം .

ഇന്ത്യൻ അംബാസിഡർ ഗോദവർത്തി വെങ്കട ശ്രീനിവാസ് മുഖ്യാതിഥിയായി നിലവിളക്ക് കൊളുത്തി ഉത്ഘാടന കർമ്മം നിർവഹിച്ച ചടങ്ങിൽ , മജ്‌ലിസ് ശൂറ അംഗവും സൊഹാറിൻ്റെ പ്രതിനിധിയുമായ അബ്ദുള്ള അലി സുലൈമാൻ അൽ ബലൂഷി, ഇന്ത്യൻ സ്കൂൾ പ്രധാന അദ്ധ്യാപിക സഞ്ചിത വർമ, ഇന്ത്യൻ സോഷ്യൽ ക്ലബ് പ്രസിഡൻ്റ് രാജേഷ് കൊണ്ടാല, ഏഷ്യാ പ്ലേറ്റ്‌സ് കമ്പനി മാനേജിംഗ് ഡയറക്ടർ മോഹിത് ബെഹൽ, ആസ്റ്റർ അൽ റഫാ ഹോസ്പിറ്റൽ സിഇഒ ഡോക്ടർ ജയ് കിഷൻ, ഏകത സൊഹാർ രക്ഷാധികാരി C. K സുരേഷ്, നീലം ശ്രീനിവാസ്, കരുണേഷ് വർമ എന്നിവരും സന്നിഹിതരായിരുന്നു.

ഇന്ത്യൻ ക്ലാസിക്കൽ പാരമ്പര്യങ്ങൾ സംരക്ഷിക്കുന്നതിനും ഇന്ത്യൻ, ഒമാനി കമ്മ്യൂണിറ്റികൾ തമ്മിലുള്ള സാംസ്കാരിക വിനിമയം പ്രോത്സാഹിപ്പിക്കുന്നതിനും ഉള്ള ഏകതാസോഹറിൻ്റെ ശ്രമങ്ങളെ അബ്ദുള്ള അലി സുലൈമാൻ അൽ ബലൂഷി പ്രശംസിച്ചു.

ആദ്യാവസാനം വരെ ഗംഗാതരംഗം ആസ്വദിച്ച ഇന്ത്യൻ അംബാസിഡർ വേധിയിൽ അതിമനോഹരമായി ഗാനാലാപനം നടത്തുകയും, ഗംഗയുടെ വയലിൻ മാസ്മരികതയെ സ്ലാഖിക്കുകയും ചെയ്തു. ഏകതസൊഹാറിൻ്റെ ഉദ്യമത്തെ പ്രശംസിച്ച അദ്ദേഹം, വരും വർഷങ്ങളിൽ കൂടുതൽ മികവുറ്റ കലാപ്രകടനങ്ങൾ നടത്താൻ സാധിക്കട്ടെ എന്ന് ആശംസിച്ചു.

ഏകത ജനറൽ സെക്രട്ടറി ദിനേഷ് കുമാർ സ്വാഗതവും, ബിജു ബാലൻ നന്ദിയും രേഖപ്പെടുത്തി.

എൻലൈറ്റ് മീഡിയയ്ക്ക് വേണ്ടി റഫീഖ് പറമ്പത്ത്

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕