ഒമാനിൽ ഏറ്റവും കൂടുതൽ സമ്മാന തുക നൽകുന്ന ബാഡ്മിന്റൺ ടൂർണമെന്റ് ജനുവരി 31ന്

മസ്‌കറ്റ്: ഒമാനിൽ ഏറ്റവും കൂടുതൽ സമ്മാന തുക നൽകുന്ന ബാഡ്മിന്റൺ ടൂർണമെന്റായ ഒമാൻ സൂപ്പർ സീരീസിന്റെ രണ്ടാം സീസൺ ജനുവരി 31, ഫെബ്രുവരി ഒന്ന്, ഏഴ്, എട്ട് തിയ്യതികളിലായി ഗാലയിലെ ഒയാസിസ് ബാഡ്മിന്റൺ അക്കാദമിയിൽ നടക്കുമെന്ന് സംഘടകർ അറിയിച്ചു.

ഓപ്പൺ വിഭാഗത്തിൽ ഒൻപതു ഭാഗമായാണ് മത്സരങ്ങൾ നടക്കുക. ആൺകുട്ടികൾക്കും, പെൺകുട്ടികൾക്കും, വനിതകൾക്കുമായി സിംഗിൾസ്, ഡബിൾസ് മത്സരങ്ങൾ നടക്കും. ഇതിനുപുറമെ ഈ വിഭാഗത്തിൽ എലൈറ്റ് ഡബിൾസ്, മിക്സഡ് ഡബിൾസും ഉണ്ടായിരിക്കും.

മുതിർന്നവരുടെ വിഭാഗത്തിൽ പുരുഷന്മാരുടെ "എ " " ബി " സി " വിഭാഗങ്ങൾക്ക് പുറമെ മെൻസ് പ്രീമിയർ, വനിതകളുടെ ഡബിൾസ്, വെറ്ററൻ ഡബിൾസ്, ഒമാനി സിംഗിൾസ്, ഡബിൾസ്. വുമൺ ഡബിൾസ് എന്നീ വിഭാഗങ്ങളും ഉണ്ടായിരിക്കും. ഇതിനു പുറമെ കുട്ടികൾക്കായും, ഒമാനി കുട്ടികൾക്കായും പ്രത്യേകം മത്സരം നടക്കും. ആകെ മുപ്പത്തിയഞ്ചു വിഭാഗങ്ങളിലായി നടക്കുന്ന മത്സരങ്ങളിൽ ജേതാക്കൾക്കും, രണ്ടാം സ്ഥാനക്കാർക്കുമായി ഏകദേശം 6000 ഒമാനി റിയാൽ സമ്മാനത്തുകയായി നൽകും.

ഒമാനിൽ നിന്നുള്ള കളിക്കാർക്ക് പുറമെ പ്രീമിയർ, എലൈറ്റ് വിഭാഗങ്ങളിൽ വിദേശ താരങ്ങളും മാറ്റുരക്കും. ഒന്നാം സീസണ് സ്വദേശികളിൽ നിന്നും, വിദേശികളിൽ നിന്നും ലഭിച്ച സ്വീകാര്യതയാണ് രണ്ടാം സീസൺ കൂടുതൽ വിപുലമായി നടത്താൻ തീരുമാനിച്ചതെന്ന് മാനേജ്‌മന്റ് ഭാരവാഹികളായ റിസാം, യോഗേന്ദ്ര കത്യാർ എന്നിവർ പറഞ്ഞു.

ടൂർണമെന്റ് നടക്കുന്ന നാല് ദിവസവും പ്രവേശനം സൗജന്യം ആയിരിക്കും ഇതിനു പുറമെ എല്ലാ ദിവസവും കുട്ടികൾക്കും, മുതിർന്നവർക്കുമായി വിനോദ പരിപാടികളും അരങ്ങേറും. നേരെത്തെ വയനാട് ദുരന്ത ബാധിതരെ സഹായിക്കാനായി ഒയാസിസ്‌ അക്കാദമി നടത്തിയ ബാഡ്മിന്റൺ ടൂർണമെന്റിലും വലിയ ജനപങ്കാളിത്തം ഉണ്ടായിരുന്നു.

✳️✳️✳️✳️✳️✳️✳️✳️✳️

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

https://www.facebook.com/MalayalamVarthakalNews