തിരുവോണം കളറാക്കി ഇൻകാസ് ഇബ്ര

ഇബ്ര: ഓണം മലയാളിയുടെ മനസ്സിൽ പതിഞ്ഞിട്ടുള്ള ഓർമ്മകളുടെയും സംസ്കാരത്തിന്റെയും മഹോത്സവമാണ്. നാട്ടിൽ നിന്ന് ആയിരക്കണക്കിന് കിലോമീറ്റർ അകലെയാണെങ്കിലും, ആ ഓർമ്മകൾ പ്രവാസജീവിതത്തിൽ പുതുക്കിക്കൊണ്ടേയിരിക്കുകയാണ് മലയാളികൾ. ഇബ്രയിലെ പ്രധാന സാമൂഹിക-സാംസ്കാരിക സംഘടനയായ ഇൻകാസ് ഇബ്രയുടെ ആഭിമുഖ്യത്തിൽ അൽ ഷർഖിയ സാൻഡ് ഹോട്ടലിൽ വച്ച് തിരുവോണ നാളിൽ , 'ഇബ്ര പൊന്നോണം 2025' എന്ന പേരിൽ സംഘടിപ്പിച്ച ഓണാഘോഷം അതിന്റെ തെളിവായി മാറി.

നാടൻ വിഭവങ്ങളാൽ സമൃദ്ധമായ ഓണസദ്യ ആഘോഷത്തിന്റെ മുഖ്യ ആകർഷണമായിരുന്നു. ആഘോഷവേദി പൂക്കളത്തിന്റെ ഭംഗിയാൽ നിറഞ്ഞപ്പോൾ, കുട്ടികളുടെയും മുതിർന്നവരുടെയും കലാപരിപാടികൾ വേദിയിൽ താളവും താളപ്പകിട്ടും നൽകി. ഓണപ്പാട്ടുകൾ നാട്ടിലെ ഓണാഘോഷത്തിന്റെ ഓർമ്മകളിലേക്ക് കൂട്ടിക്കൊണ്ടുപോയപ്പോൾ, ഓണം ക്വിസ്, കുട്ടികളുടെ മത്സരങ്ങൾ, പരമ്പരാഗത ഓണ ക്കളികൽ തുടങ്ങിയവ ആഘോഷത്തിന് മാറ്റ് കൂട്ടി.

ഇൻകാസ് ഇബ്ര ഭാരവാഹികളോടൊപ്പം ഇബ്രയിലെയും ബിദിയയിലെയും നിരവധി പ്രവാസി മലയാളി കുടുംബങ്ങൾ പങ്കെടുത്ത ഇൻകാസ് ഇബ്ര ഓണാഘോഷം വർഷങ്ങളോളം ഓർമ്മിക്കപ്പെടുന്ന പ്രവാസോത്സവമായി മാറി. പ്രവാസജീവിതത്തിന്റെ തിരക്കുകളെയും ഏകാന്തതയെയും മറികടന്ന്, "ഓണം മലയാളിയെ ഒന്നിപ്പിക്കുന്ന മഹോത്സവമാണ്" എന്ന സന്ദേശം പരിപാടിയുടെ മുഴുവൻ വേളയിലും തെളിഞ്ഞുനിന്നു.

ഇബ്ര പൊന്നോണം 2025 പ്രോഗ്രാം കമ്മിറ്റി കൺവീനർ രജീഷ്, പ്രോഗ്രാം കമ്മിറ്റി അംഗങ്ങളായ മുസ്തഫ, നയിം, ജോമോൻ, ഇൻകാസ് ഇബ്ര പ്രെസിഡന്റ് അലി കോമത്ത്, ജനറൽ സെക്രട്ടറി സുനിൽ മാളിയേക്കൽ, ട്രെഷറർ ഷാനവാസ്, വൈസ് പ്രസിഡന്റ് സോജി ജോസഫ്, ജോയിന്റ് സെക്രട്ടിമാരായ സൈമൺ കൊരട്ടി, ബിനോജ്, ഇൻകാസ് ഇബ്ര എക്സിക്യൂട്ടീവ് കമ്മിറ്റി അംഗങ്ങളായ ലിജോ, സജീവ്, റബീയ, ജോയ്‌സൺ, ടോം, ജിനോജ് തുടങ്ങിയവർ ആഘോഷ പരിപാടികൾ ഏകോപിപ്പിച്ചു. കുമാരി ജെനെറ്റ് റോസ് കലാപരിപാടികൾക്ക് അവതാരകയായി.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕