സൊഹാർ കെഎംസിസി “ഫമിലിയ 25” എന്ന പേരിൽ കുടുംബ സംഗമം സംഘടിപ്പിച്ചു

സൊഹാർ: സൊഹാർ കെഎംസിസിയുടെ നേത്രത്വത്തിൽ “ഫമിലിയ 25” എന്ന പേരിൽ സൊഹാറിലെ ഘഷ്ബയിൽ സ്ഥിതിചെയ്യുന്ന അൽ സഹ്റതൈൻ ഫാം ഹൗസിൽ വെച്ച് കുടുംബ സംഗമം സംഘടിപ്പിച്ചു.

സംഘടനയുടെ സാമൂഹിക, സാംസ്കാരിക പ്രവർത്തനങ്ങൾ ശക്തിപ്പെടുത്തുകയും കുടുംബബന്ധങ്ങൾ കൂടുതൽ ദൃഢമാക്കുകയും ചെയ്യുക എന്ന ലക്ഷ്യത്തോടെ സംഘടിപ്പിച്ച കുടുംബ സംഗമത്തിൽ വൻ ജന പങ്കാളിത്തം രേഖപ്പെടുത്തി.

പരിപാടിയുടെ ഭാഗമായി സംഘടിപ്പിച്ച ലേഡീസ് പുഡ്ഡിംഗ് മത്സരം, സ്ത്രീകളുടെ പാചക വൈദഗ്ധ്യം അവതരിപ്പിക്കുന്ന ശ്രദ്ധേയമായ വേദിയായി.

കെഎംസിസി പ്രവർത്തകർ അവതരിപ്പിച്ച മാപ്പിള കലകളായ, കോൽക്കളി, ഒപ്പന തുടങ്ങിയ വിവിധങ്ങളായ കലാപരിപാടികൾ സദസ്സിൽ വലിയ ആവേശം സൃഷ്ടിച്ചു.

കുട്ടികളുടെ ഒപ്പന, അറബിക് നൃത്തം, പ്രച്ഛന്ന വേഷം, സോളോ ഡാൻസ്, ഗ്രൂപ്പ് ഡാൻസ് തുടങ്ങിയ വൈവിധ്യമാർന്ന സാംസ്കാരിക പരിപാടികൾ ചടങ്ങിന് കൂടുതൽ ആകർഷണം നൽകി.

ഇതോടൊപ്പം ഖയാൽ മിഡിൽ ഈസ്റ്റ് ടീമിന്റെ മുട്ടിപ്പാട്ട് അവതരണം ഗാനമാധുരിയാൽ സദസ്സിനെ ആകർഷിക്കുകയും നിറഞ്ഞ കൈയടികൾ നേടുകയും ചെയ്തു.

വമ്പിച്ച ജനപങ്കാളിത്തം രേഖപ്പെടുത്തിയ ഈ കുടുംബ സംഗമം സുഹാർ കെഎംസിസിയുടെ പ്രവർത്തനങ്ങൾക്ക് പുതിയ ഊർജ്ജം പകർന്നതായി സംഘാടകർ അറിയിച്ചു.

റിപ്പോർട്ട്: റഫീഖ് പറമ്പത്ത് / ഷാർഗി ഗംഗാധർ

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews