സലാലക്ക് പുതിയ കാഴ്ചാനുഭവം പകര്‍ന്ന് സർഗ്ഗവേദി നാടകോത്സവം അരങ്ങേറി

സലാല: കലയും കലാകാരന്മാരും സലാല മലയാളികളുടെ ജീവിതത്തിന്റെ ഭാഗമാണെന്ന് തെളിയിക്കുന്ന രീതിയിൽ സലാല മ്യൂസിയം ഹാളിലെ തിങ്ങി നിറഞ്ഞ കാണികൾക്ക് മുന്നിൽ സർഗ്ഗവേദി നാടക മത്സരം അരങ്ങേറി.

സർഗ്ഗവേദി സലാല സംഘടിപ്പിച്ച ഏഴാമത് കെ ടി മുഹമ്മദ്‌ നാടകോത്സവത്തിൽ സലാലയിലെ 7 നാടക സമിതികൾ മത്സരിച്ചു. നാട്ടിൽ നിന്നെത്തിയ മലയാള നാടകവേദിയിലെ പ്രഗത്ഭരായ പയ്യന്നൂർ മുരളി, അഭിമന്യു ഷൊർണ്ണൂർ എന്നിവർ വിധികർത്താക്കളായ നാടകോത്സവത്തിൽ കെ എസ് കെ സലാലയുടെ കർക്കിടകം ഒന്നാം സ്ഥാനം നേടി. മന്നം കലാവേദി അവതരിപ്പിച്ച നവ മാധ്യമ നാടകം രണ്ടാം സ്ഥാനം നേടിയപ്പോൾ മൂന്നാം സ്ഥാനം എസ്എൻ കലാവേദിയുടെ ഒരു തെയ്യക്കാലവും, കൈരളി സലാലയുടെ മീനുകൾ മല കയറുമ്പോൾ എന്ന നാടകവും പങ്കിട്ടു.

മികച്ച രംഗ സജ്ജീകരണമായി തിരഞ്ഞെടുക്കപ്പെട്ട കെ എസ് കെ സലാലയുടെ കർക്കിടകം എന്ന നാടകം സംവിധാനം ചെയ്ത നവീൻ രാജ് മികച്ച സംവിധായകനുള്ള പുരസ്‌കാരം സ്വന്തമാക്കി. ഇതേ നാടകത്തിൽ അഭിനയിച്ച പ്രശാന്ത് നമ്പ്യാർ മികച്ച നടനും രജിഷ ബാബു മികച്ച നടിയുമായി തിരെഞ്ഞെടുക്കപ്പെട്ടു.

എസ് എൻ കലാവേദിയുടെ ഒരു തെയ്യക്കാലം എന്ന നാടകത്തിലെ അഭിനയത്തിന് ശ്രീജിത്ത്‌ ചന്തേര മികച്ച രണ്ടാമത്തെ നടനായി തിരെഞ്ഞെടുക്കപ്പെട്ടപ്പോൾ ഇതേ നാടകത്തിലെ അഭിനയത്തിന് രശ്മി പ്രശാന്തും, കൈരളി സലാലയുടെ മീനുകൾ മല കയറുമ്പോൾ എന്ന നാടകത്തിൽ അഭിനയിച്ച സരിത ജയനും മികച്ച സഹനടിമാരായി തെരഞ്ഞെടുക്കപ്പെട്ടു. കീമോത്തി അൽബാനിയുടെ പുനരുദ്ധാരണത്തിലെ അഭിനയത്തിന് മാസ്റ്റർ അബ്‌ദുൾ അസീസ് മികച്ച ബാലതാരമായി തെരെഞ്ഞെടുക്കപെട്ടു.

പയ്യന്നൂർ മുരളി ഉത്ഘാടനം ചെയ്ത നാടകോത്സവത്തിൽ സർഗ്ഗവേദി കൺവീനർ സിനു കൃഷ്ണൻ അധ്യക്ഷത വഹിച്ചു. ഡോക്ട്ടർ നിഷ്താർ സ്വാഗതവും എ പി കരുണൻ നന്ദിയും പ്രകാശിപിച്ചു. എക്സിക്യൂട്ടീവ് അംഗങ്ങളായ വി ആർ മനോജ്‌, ഗോപകുമാർ പി ജി, അനൂപ് ശങ്കർ, ആഷിഖ് അഹമ്മദ്, അനീഷ് ബി വി, പ്രിയ അനൂപ് എന്നിവർ നാടകോത്സവത്തിന് നേതൃത്വം നൽകി.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaoman

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕