Samayil Malayali Koottayma Onam Celebration

മസ്‌കറ്റ്: സമായിൽ മലയാളി കൂട്ടായ്മയുടെ കീഴിൽ വിപുലമായ ഓണാഘോഷ പരിപാടി സംഘടിപ്പിച്ചു, 12-09-2025 വെള്ളിയാഴ്ച്ച സമായിലിലെ ദി ഗ്രേറ്റ്‌ പേൾ ഹാളിൽ ആയിരത്തി മുന്നോറോളം പേർക്ക് ഓണ സദ്യയും ഒരുക്കിയിരുന്നു, കൂട്ടായ്മയിലെ അംഗങ്ങളുടേയും കുടുംബാംഗങ്ങളുടേയും വിത്യസ്ത കലാ പരിപാടികളും ഓണാഘോഷം നാട്ടിലേതെന്ന് തോന്നിപ്പിക്കുന്ന രീതിയിലായിരുന്നു സമായിലിലെ മലയാളി പ്രവാസികൾ അനുഭവിച്ചറിഞ്ഞത്.

പ്രസിഡണ്ട്‌ നസീർ തിരുവത്ര പരിപാടി ഉത്ഘാടനം ചെയ്തു, ഈ കാലഘട്ടത്തിൽ പ്രവാസ ലോകത്ത് ഇത്തരം സംഘടനകളുടേയും, അതിലൂടെ വിത്യസ്ത ആഘോഷങ്ങൾക്കായി ഒത്തു കൂടുന്നതിന്റേയും പ്രസക്തിയെ കുറിച്ചും അധ്യക്ഷൻ നസീർ തിരുവത്ര ഓർമ്മപ്പെടുത്തുകയും ചെയ്തു, സെക്രട്ടറി അനൂപ് കരുണാകരൻ സ്വാഗതം ആശംസിക്കുകയും ഓണാഘോഷത്തിന്റെ സന്ദേശം അറിയിക്കുകയും ചെയ്തു, ട്രഷറർ ടോണി ജോണി ഇത്രയും വിപുലമായ ഓണാഘോഷം സമായിൽ മലയാളി കൂട്ടായ്മയ്ക്ക് ഒരുക്കാൻ സഹകരിക്കുകയും സഹായിക്കുകയും ചെയ്ത എല്ലാവർക്കും നന്ദി രേഖപ്പെടുത്തി.

പരയ്ക്കാട് മഹേന്ദ്രൻ മാരാരുടെ പ്രമാണത്തിൽ ത്രിപുട മസ്‌ക്കറ്റിന്റെ പഞ്ചാവാദ്യവും, അമൽ കോരപ്പുഴയുടെ പ്രമാണത്തിൽ പഞ്ചാരി മേളയും ആഘോഷത്തിൽ പങ്കെടുത്തവരെ നാട്ടിലെ ഉത്സവത്തിന് എന്ന പോലെ കണ്ണും കാതും മനസ്സും ഏറെ സന്തോഷകരവും ആനന്ദകരവുമാക്കി.

തിരുവാതിര, ക്ലാസിക്കൽ ഡാൻസ്, ഫ്യൂഷൻ ഡാൻസ്, പാട്ട് മുതലായ ഒട്ടനവധി കലാ പ്രകടനങ്ങൾ വേദിയിൽ അരങ്ങേറി, ശശീന്ദ്രൻ, യൂസഫ് ചേറ്റുവ, ഫിറോസ് മാണിയാട്ട്, നിഷാദ് വെങ്ങെരം, ദിലീപ് പ്രകാശൻ, ബിജു കെ ജി, ലത്തീഫ് സീലക്സ്, തപനൻ ബാലാജി, സന്തോഷ്‌ എസ്, ആഷിക്, ബിനു മോനി, ഡൗഡറ്റ് വിൻസെന്റ്, ഷജിൽ കെ പി എന്നിവർ സമായിൽ മലയാളി കൂട്ടായ്മ സംഘടിപ്പിച്ച ഓണാഘോഷത്തിന്ന് നേതൃത്വം നൽകി.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

Samayil Malayali Koottayma Organized Onam Celebration