സഹം സൗഹൃദ വേദിയുടെ ഓണാഘോഷവും കുടുംബ സംഗമവും അരങ്ങേറി

സോഹാർ: സഹം സൗഹൃദ വേദിയുടെ ആഭിമുഖ്യത്തിൽ സഹമിൽ ഓണാഘോഷവും കുടുംബ സംഗമവും അരങ്ങേറി. സഹം സനായ റോഡിലെ സഹമി ഹാളിലാണ് വിപുലമായ ആഘോഷം അരങ്ങേറിയത്.

കാലത്ത്‌ പത്ത് മണിക്ക് ഹാളിന് പുറത്തെ ഗ്രൗണ്ടിൽ നിന്നാരംഭിച്ച ഘോഷയാത്രയിൽ താലപ്പൊലി, പുലികളി,. തെയ്യം, കുട്ടികളുടെ കൈകൊട്ടികളി. മാവേലിഎഴുന്നള്ളത്ത്‌ എന്നിവഅരങ്ങേറി.

തുടർന്ന് വേദിയിൽ ബാത്തിന മേഖലയിലെ സാമൂഹ്യ സാംസ്‌കാരിക പ്രവർത്തകർ ഏഴ് തിരിയിട്ട നിലവിളക്ക് കൊളുത്തി ഓണഘോഷ കുടുംബ സംഗമം ഉദ്ഘാടനം ചെയ്തു.

തുടർന്ന് നടന്ന കലാപരിപാടിയിൽ ക്‌ളാസിക്കൽഡാൻസ്, തിരുവാതിരക്കളി, സിനിമാറ്റിക് ഡാൻസ്, മാപ്പിളപ്പാട്ട്, സംഘ ഗാനം, സിനിമാ ഗാനം എന്നിവ അരങ്ങേറി.

തുടർന്ന് നടന്ന സാംസ്‌കാരിക സദസ്സ് സാമൂഹ്യ പ്രവർത്തകൻ സൂരജ് ഉദ്ഘാടനം ചെയ്തു. സൗഹൃദ വേദി സെക്രട്ടറി അശോകൻ പടിപ്പുര സ്വാഗതം പറഞ്ഞു. രാമചന്ദ്രൻ താനൂർ. രാജേഷ് കെ. വി. കവിരാജ് മാസ്റ്റർ, മുരളി കൃഷ്ണ, സജീഷ് ജി ശങ്കർ. മനോജ്‌ കുമാർ, എന്നിവർ ആശംസകൾ അർപ്പിച്ചു സംസാരിച്ചു. റഫീഖ് പറമ്പത്ത് അധ്യക്ഷനായ ചടങ്ങിൽ കാർത്തിക ടീച്ചർ നന്ദി പ്രകാശനം നടത്തി.

എഴുന്നൂറോളം പേർ പങ്കെടുത്ത കാണികളിൽ നിന്ന് മലയാളി മങ്കയായി അൻഷാന ഖാനെയും കേരള ശ്രീമാൻ ആയി ദിലീപിനെയും തെരഞ്ഞെടുത്തു.

കാണികൾ അറിയാതെ അവർ ഇരിക്കുന്ന കസേരക്കടിയിൽ ഒളിപ്പിച്ച സമ്മാനം കണ്ടുപിടിക്കനുള്ള മത്സരം ആവേശം തീർത്തു. തുടർന്ന് കുട്ടികൾക്കുള്ള ഗെയിം ഷോകൾ അരങ്ങേറി.

ഓണഘോഷത്തിനെത്തിയ മുഴുവൻ പേർക്കും വിഭവ സമൃദ്ധമായ ഓണസദ്യ ഒരുക്കിയിരുന്നു. ഓണ സദ്യ ഒരുക്കിയ പാചക വിദക്തൻ കൊല്ലം കടക്കൽ സ്വദേശി ബിജുവിന് വേദിയിൽ ഉപഹാരം നൽകി ആദരിച്ചു. പാചക പുര ഒരുക്കി എല്ലാ സൗകര്യങ്ങളും ചെയ്തുതന്ന ഇമ്ത്തിയാസിനെയും വേദിയിൽ ആദരിക്കുകയുണ്ടായി.

അവതാരകരായി ഷാരിജ നസീബ്, ഡോക്ടർ തൻസി തൽഹത്ത്‌ എന്നിവർ ചേർന്ന് നിർവഹിച്ചു.

വനിതകൾ ചേർന്നൊരുക്കിയ വിവിധ മത്സരങ്ങളിൽ മികച്ച പ്രകടനം കാഴ്ചവെച്ച വിവിധ ടീമുകൾക്ക് വനിതാവിങ് രക്ഷാധികാരി ബീന അശോക് ഉപഹാരങ്ങൾ കൈമാറി.

മെമ്പർമാരായ വാജിദ്, അനിൽ കുമാർ, സുൽഫിക്കർ, പ്രജി,സുബി, ഉല്ലാസ്, റോഷൻ, ബിനുമോൻ, ബിനു കുമാർ,ശോഭൻ, ഉനൈസ്, നൗഷാദ്,ഇമ്തീയാസ്,എന്നിവർ ആഘോഷ പരിപാടിക്ക് നേതൃത്വം നൽകി.

റിപ്പോർട്ട്: ഷാർഗി ഗംഗാധർ

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕