പാലക്കാട് സ്നേഹ കൂട്ടായ്മ സ്വാതന്ത്ര്യ ദിനാഘോഷവും സുധാകരൻ ഒളിമ്പിക്കിന് യാത്രയപ്പും നൽകി

സലാല: സലാലയിൽ ജോലി ചെയ്യുന്ന പാലക്കാട് ജില്ലക്കാരുടെ സംഘടനയായ പാലക്കാട് സ്നേഹ കൂട്ടായ്മ സ്വാതന്ത്ര്യ ദിനാഘോഷവും പാലക്കാട് സ്നേഹ കൂട്ടായ്മ ചെയർമാൻ സുധാകരൻ ഒളിമ്പിക്കിന് യാത്രയപ്പും നൽകി.

35 വർഷത്തോളമായി സലാലയിലേ ജീവകാരുണ്യ പ്രവർത്തനരംഗത്തെ പ്രധാനിയും. നാട്ടിലായാലും സലാലയിലായാലും പാവപ്പെട്ടവന്റെ കണ്ണീരൊപ്പാൻ വേണ്ടി ജീവകാരുണ്യ രംഗത്ത് സജീവ സാന്നിധ്യമായ പാലക്കാട് സ്നേഹ കൂട്ടായ്മ ചെയർമാൻ സുധാകരൻ ഒളിമ്പിക്കിന് പാലക്കാട് ജില്ലാ സ്നേഹ കൂട്ടായ്മയുടെ ഓഫീസിൽവച്ച് യാത്രയപ്പ് നൽകി. അതിനോടൊപ്പം ഇന്ത്യയുടെ 79-മത്തെ സ്വാതന്ത്ര്യ ദിനവും ആഘോഷിച്ചു.

പ്രസിഡൻ്റ് നസീബ് വല്ലപ്പുഴ അധ്യക്ഷനായ യോഗത്തിൽ ജനറൽ സെക്രട്ടറി നിയാസ് പഴയ ലക്കിടി സ്വാഗതം ആശംസിച്ചു.

സലാലയിലും നാട്ടിലുമായി നടത്തിയ ജീവകാരുണ്യ പ്രവർത്തനങ്ങൾ മലയാളി സമൂഹത്തിന് ഒരിക്കലും മറക്കാൻ കഴിയില്ല എന്ന് പാലക്കാട് സ്നേഹ കൂട്ടായ്മ വൈസ് പ്രസിഡണ്ട് റസാക്ക് ചാലിശ്ശേരി ആശംസ പ്രസംഗത്തിൽ പറഞ്ഞു. യാത്രയപ്പിന്റെ ഭാഗമായി അദ്ദേഹത്തിന് വൈസ് പ്രസിഡണ്ട് കാസിം മേഴത്തൂർ മൊമെന്റോ നൽകുകയും ഷമീർ മാനുക്കാസ് പൊന്നാട അണിയിക്കുകയും ചെയ്തു.

ഇന്ത്യൻ സ്കൂൾ വൈസ് പ്രിൻസിപ്പൽ മമ്മിക്കുട്ടി ഇന്ത്യയുടെ 79-മത്തെ സ്വാതന്ത്ര്യ ദിനാഘോഷ സന്ദേശം നൽകി.

പരിപാടിക്ക് അച്യുതൻ പടിഞ്ഞാറങ്ങാട, മനാഫ് പഴയ ലക്കിടി, സൈനുദ്ദീൻ ചാലിപ്പറമ്പ്, മുസ്തഫ കുലുക്കല്ലൂർ, ഹക്കീം വാവനൂർ എന്നിവർ നേതൃത്വം നൽകി. വിജയൻ കരിങ്കല്ലത്താണി നന്ദിയും രേഖപ്പെടുത്തി.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

Palakkad Sneha Koottayma celebrates Independence Day and Gives farewell to Sudhakaran Olympics Palakkad Sneha Koottayma