ഒമാൻ തൃശ്ശൂർ ഓർഗനൈസേഷൻ സംഘടിപ്പിച്ചിരിക്കുന്ന തൃശ്ശൂർ ഓണോത്സവം 2025 ഒക്ടോബർ 17 വെള്ളിയാഴ്ച്ച

മസ്‌കറ്റ്: ഒമാനിലെ സാംസ്‌കാരിക സാമൂഹിക സംഘടനയായ ഒമാൻ തൃശ്ശൂർ ഓർഗനൈസേഷൻ ഒക്ടോബർ 17 വെള്ളിയാഴ്ച്ച അൽ ഖുവൈർ മിനിസ്ട്രി ഓഫ് എജ്യുക്കേഷൻ ഓഡിറ്റോറിയത്തിൽ വിപുലമായ ആഘോഷങ്ങളോടെ സംഘടിപ്പിച്ചിരിക്കുന്ന ‘തൃശ്ശൂർ ഓണോത്സവം 2025’ ന്റെ ഒരുക്കങ്ങൾ പൂര്‍ത്തിയായതായി ഭാരവാഹികൾ അറിയിച്ചു.

പ്രവാസി സമൂഹത്തിന്‌ ഓണത്തിന്റെ മധുരവും തൃശ്ശൂരിന്റെ സാംസ്‌കാരിക ഭംഗിയും ഒരുമിച്ച് ആസ്വദിക്കാനുള്ള അപൂർവ വേദിയായിരിക്കും “തൃശ്ശൂര്‍ ഓണോത്സവം 2025". ഓണാഘോഷം ഇന്ത്യൻ അംബാസഡർ ഹിസ് എക്സലൻസി ജി.വി. ശ്രീനിവാസ് ഉദ്ഘാടനം ചെയ്യും. മുന്‍ എം എൽ എയും, പ്രവാസി ക്ഷേമനിധി ബോർഡ് മുൻ ചെയർമാനും, പ്രമുഖ സിനിമാ സംവിധായകനും എഴുത്തുകാരനുമായ പി.ടി. കുഞ്ഞുമുഹമ്മദ് മുഖ്യാതിഥിയായി പങ്കെടുക്കും. തൃശ്ശൂർ സ്വദേശിയും ഒമാനിലെ പ്രമുഖ ബിസിനസ് വ്യക്തിത്വവുമായ ഇ.എം. ബദറുദ്ദീൻ, സാമൂഹിക സാംസ്കാരിക ബിസിനസ് രംഗത്ത് ശ്രദ്ധേയനായ ഡോ. സന്തോഷ് ഗീവറും വിശിഷ്ടാതിഥികളായി സംബന്ധിക്കും. 

സാമൂഹ്യ സേവന കാരുണ്യ പ്രവർത്തനങ്ങളെ മുൻനിർത്തി "സാമൂഹിക പ്രതിബദ്ധതക്കും ശാക്തീകരണ മികവിനുമുള്ള അവാർഡ് ഡോ. സന്തോഷ് ഗീവറിന് നൽകി ആദരിക്കുമെന്ന് ഒമാന്‍ തൃശ്ശൂർ ഓർഗനൈസേഷൻ പ്രസിഡന്റ് നസീർ തിരുവത്രയും സെക്രട്ടറി അഷ്റഫ് വടനപ്പള്ളിയും പത്രകുറിപ്പിൽ അറിയിച്ചു.

മിമിക്രി, ചിത്രകലാ രംഗത്ത് തന്റേതായ വ്യക്തി മുദ്രപതിപ്പിച്ച ചാലക്കുടിക്കാരൻ ശ്രീജിത്ത് പേരാമ്പ്ര, നർത്തകിയും സിനിമ പിന്നണി ഗായികയുമായ ഗ്രേഷ്യ അരുൺ എന്നിവരുടെ സാന്നിദ്ധ്യം ഓണോത്സവത്തിന് പൊലിമയേകും. 

ഓണാഘോഷത്തിന്റെ ഭാഗമായി ഒമാന്‍ തൃശ്ശൂർ ഓർഗനൈസേഷന്‍ കുടുംബാംഗങ്ങളുടെ ഫ്യൂഷൻ ഡാൻസ്, സിനിമാറ്റിക് ഡാൻസ്, സംഗീത നൃത്താവിഷ്കാരങ്ങൾ, നാടൻ കലാപരിപാടികൾ, കുട്ടികൾക്കായുള്ള മത്സരങ്ങൾ തുടങ്ങിയ നിരവധി പരിപാടികൾ വേദിയിൽ അവതരിപ്പിക്കും. 

തൃശ്ശൂരുകാരുടെ കുടുംബ ഐക്യത്തിന്റെയും സാംസ്‌കാരിക പാരമ്പര്യത്തിന്റെയും പ്രതീകമാണ് ഒമാന്‍ തൃശ്ശൂർ ഓർഗനൈസേഷന്‍ എന്നും എല്ലാ ഒമാൻ തൃശ്ശൂർ ഓർഗനൈസേഷൻ കുടുംബാഗങ്ങളേയും ഈ സന്തോഷ നിമിഷത്തിൽ പങ്കുചേരാൻ ഹൃദയപൂർവ്വം സ്വാഗതം ചെയ്യുന്നു എന്ന് "തൃശ്ശൂർ ഓണോത്സവം 2025" പ്രോഗ്രാം കൺവീനർ ഗംഗേഷ് വടക്കേതിൽ, വൈസ് പ്രസിഡന്റ് സിദ്ധീഖ് കുഴിങ്ങര, മുന്‍ പ്രസിഡന്റ് നജീബ് കെ മൊയ്തീന്‍, കലാവിഭാഗം കണ്‍വീനർ യൂസഫ് ചേറ്റുവ എന്നിവര്‍ അറിയിച്ചു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕