Malayalam Mission Sohar Sugatanjali

സൊഹാർ: മലയാളം മിഷൻ ഒമാൻ ചാപ്റ്റർ സൊഹാർ മേഖലാ ആഭിമുഖ്യത്തിൽ സുഗതാഞ്ജലി കാവ്യാലാപനമത്സരം സംഘടിപ്പിച്ചു. സെപ്റ്റംബർ 13 ശനിയാഴ്ച്ച സൊഹാർ പഠനകേന്ദ്രമായ കിഡ്സ് നഴ്‌സറിയിൽ വച്ചു നടന്ന പരിപാടിയിൽ നിരവധി കുട്ടികൾ പങ്കെടുത്തു.

മലയാളം മിഷൻ ഒമാൻ ചാപ്റ്റർ പ്രവർത്തകസമിതി അംഗം സജീഷ് ജി ശങ്കർ പരിപാടി ഉദ്ഘാടനം ചെയ്തു. ഭാഷാ പ്രവർത്തകരായ മനോജ് കുമാർ, സുനിൽ കുമാർ, ഷാജിലാൽ, ബിജു കാക്കാപ്പോയിൽ, ഹാസിത സുഷം എന്നിവർ ആശംസകൾ നേർന്നു സംസാരിച്ചു. ലിൻസി സുഭാഷ് അധ്യക്ഷത വഹിച്ച യോഗത്തിൽ മുരളീകൃഷ്ണൻ സ്വാഗതം പറഞ്ഞു.

കാവ്യാലാപന മത്സരത്തിൽ സബ് ജൂനിയർ വിഭാഗത്തിൽ അഹാന രാജേഷ്, തൻവി രാജേഷ് എന്നിവർ ഒന്നാം സ്ഥാനം പങ്കിട്ടു. പാർവതി എം വി രണ്ടാം സ്ഥാനവും ശിഖ പി എസ് മൂന്നാം സ്ഥാനവും നേടി. ജൂനിയർ വിഭാഗത്തിൽ ദിയ ആർ നായർ, മാധവ് സഞ്ജീവ്, ആൽബി ബെന്നി എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി.

മലയാളത്തിൻറെ പ്രിയ കവയിത്രിയും, മലയാളം മിഷൻ ഭരണസമിതി അംഗവുമായിരുന്ന സുഗതകുമാരി ടീച്ചറുടെ സ്മരണാർത്ഥം മലയാളം മിഷൻ വാർഷികമായി നടത്തി വരുന്ന കാവ്യാലാപന മത്സരമാണ് സുഗതാഞ്ജലി. ഇത്തവണത്തെ സുഗതാഞ്ജലിയിൽ ഒ എൻ വിയുടെ കവിതകളാണ് വിദ്യാർത്ഥികൾ ആലപിക്കേണ്ടിയിരുന്നത്.

ഒമാനിലെ വിവിധ മേഖലാമത്സരങ്ങളിൽ ആദ്യ മൂന്നു സ്ഥാനങ്ങൾ നേടിയവരെ പങ്കെടുപ്പിച്ചു കൊണ്ടുള്ള ചാപ്റ്റർ തല ഫൈനൽ മത്സരം ഈ മാസം 26 ന് ഇബ്രയിൽ വച്ച് നടക്കുമെന്ന് മലയാളം മിഷൻ ഒമാൻ ഭാരവാഹികൾ അറിയിച്ചു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

Malayalam Mission Sohar organized Sugatanjali Competition