ഇന്ത്യൻ ഓവർസീസ് കോൺഗ്രസ് ഒമാൻ കേരള ചാപ്റ്ററിന്റെ നേതൃത്വത്തിൽ ബെന്നി ബഹനാന് സലാലയിൽ സ്നേഹ സ്വീകരണം നൽകി

13 Oct 2025 01:39 IST

Share News :

സലാല: ഇന്ത്യൻ ഓവർസീസ് കോൺഗ്രസ് ഒമാൻ കേരള ചാപ്റ്ററിന്റെ നേതൃത്വത്തിൽ ചാലക്കുടി എം.പിയും മുൻ യൂ.ഡി.എഫ് കൺവീനറുമായ ശ്രീ.ബെന്നി ബഹനാന് സലാലയിൽ സ്നേഹസ്വീകരണം നൽകി.

സലാല മ്യൂസിക് ഹാളിൽ സംഘടിപ്പിച്ച സ്വീകരണ യോഗം വർക്കിംഗ് പ്രസിഡന്റ് അനീഷ് ബി.വി.യുടെ സ്വാഗതപ്രഭാഷണത്തോടെ ആരംഭിച്ചു. പ്രസിഡന്റ് ഡോ. നിഷ്താർ അധ്യക്ഷത വഹിച്ചു. കുടുംബത്തോടൊപ്പം സലാലയിൽ എത്തിയ ജനകീയ എം പി ക്ക് ഇത്തരം ഒരു സ്വീകരണ പരിപാടി ഒരുക്കാൻ സാധിച്ചതിലുള്ള സന്തോഷം അദ്ദേഹം പങ്കുവെച്ചു.

തുടർന്ന് സംസാരിച്ച ബെന്നി ബഹനാൻ ആനുകാലിക ഇന്ത്യൻ രാഷ്ട്രീയ സാഹചര്യങ്ങളെക്കുറിച്ച് വിശദമായി സംസാരിച്ചു. ഗാന്ധിജിയും ഗോഡ്‌സെയും രണ്ടുപേരുകളല്ല, മറിച്ച് രണ്ട് ആശയങ്ങളാണെന്ന് അദ്ദേഹം വ്യക്തമാക്കി. ഒന്ന് സത്യവും അഹിംസയും പ്രതിനിധീകരിക്കുന്നതും മറ്റേതിൽ വർഗീയതയും വിദ്വേഷവും അടങ്ങിയതുമാണെന്നും അദ്ദേഹം പറഞ്ഞു. ഭരണഘടനയുടെ മഹത്വത്തെയും ഇന്ത്യൻ ചരിത്രത്തിന്റെ പാഠങ്ങളെയും അദ്ദേഹം വിശദീകരിച്ചു. സ്വാതന്ത്ര്യാന്തര ഇന്ത്യയെ പടുത്തുയർത്താൻ ഇന്ത്യൻ നാഷണൽ കോൺഗ്രസ്സിൻ്റെ നേതൃത്വത്തിലുള്ള സർക്കാറുകൾ നടത്തിയ വിജയകരമായ നടപടികളെ കുറിച്ച് അദ്ദേഹം ഒർമ്മപ്പെടുത്തി. കേരളത്തിലെ അഴിമതിയും സ്വജനപക്ഷപാതവും നിറഞ്ഞ ഭരണത്തിനെതിരെ പ്രവാസികളുടെ പിന്തുണ ആവശ്യമാണെന്നും ബന്നി ബഹനാൻ അഭ്യർത്ഥിച്ചു.

പരിപാടിയിൽ പ്രമുഖ കോൺഗ്രസ് നേതാവ് സിദ്ധിഖ് ഹസ്സൻ, ഇന്ത്യൻ എംബസി കോൺസുലർ ഏജന്റ് ഡോ. സനാതനൻ, കെ.എം.സി.സി. ട്രഷറർ ഹുസൈൻ കാച്ചിലോടി, ഇന്ത്യൻ സോഷ്യൽ ക്ലബ് മലയാള വിഭാഗം കൺവീനർ ഷബീർ കാലടി, ഐ.ഒ.സി വൈസ് പ്രസിഡന്റ് ശ്യാം മോഹൻ, വനിതാ വിഭാഗം പ്രസിഡന്റ് സിജി ലിൻസൻ എന്നിവർ ആശംസകൾ നേർന്ന് സംസാരിച്ചു.

രക്ഷാധികാരികളായ ഡോ. അബൂബക്കർ സിദ്ധിഖും ബാലചന്ദ്രനും ചേർന്ന് ഐ.ഒ.സി യുടെ സ്നേഹോപഹാരം ബെന്നി ബഹനാനു കൈമാറി. ജോ. ട്രഷറർ ശ്രീ. റിസാൻ മാസ്റ്റർ അവതാരകനായ സ്വീകരണ പരിപാടിയിൽ ട്രഷറർ ഷജിൽ കൃതജ്ഞത രേഖപ്പെടുത്തി സംസാരിച്ചു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

Indian Overseas Congress under the chairmanship of Oman Kerala Chapter gave a warm welcome to Benny Behanan at Salala

More in Related News