Iftar Meets for Buds Students and Parents

കൊണ്ടോട്ടി : കൊണ്ടോട്ടി നഗരസഭ ബഡ്‌സ് സ്കൂളിൽ മുൻ പി ടി എ പ്രസിഡന്റ് അബ്ദുൽ ലത്തീഫിന്റെ സഹകരണത്തോടെ ബഡ്‌സ് വിദ്യാർത്ഥികൾക്കും രക്ഷിതാക്കൾക്കുമായി ഇഫ്താർ മീറ്റ് നടത്തി. ടി വി ഇബ്രാഹിം എം എൽ എ, എയർപോർട്ട് ഡയറക്ടർ മുനീർ മടമ്പാട് എന്നിവർ മുഖ്യാതിഥികളായി പങ്കെടുത്തു. ബഡ്‌സ് സ്കൂളിലെ വിദ്യാർത്ഥികൾക്ക് അഗ്രിതെറാപ്പി ചെയ്യുന്നതിന് ഏറെ സഹകരിച്ച കൃഷി ഓഫിസർ ഇസ്‌ന കരിമ്പൻ സ്കൂളിന്റെ സ്നേഹോപഹാരം എയർപോർട്ട് ഡയറക്ടർ മുനീർ മടമ്പാടിൽ നിന്നും ഏറ്റുവാങ്ങി. ബഡ്‌സ് സ്കൂളിനുവേണ്ടി മാതൃകാ പ്രവർത്തനങ്ങൾ കാഴ്ചവെയ്ക്കുന്ന മുൻ പി ടി എ പ്രസിഡന്റ് അബ്ദുൽ ലത്തീഫ് എം എൽ എ യിൽ നിന്നും ഉപഹാരം ഏറ്റുവാങ്ങി. കുടുംബശ്രീയുടെ നേതൃത്വത്തിൽ നടത്തിയ ബഡ്‌സ് ഒളിമ്പിയയിൽ മികച്ച വിജയം കരസ്ഥമാക്കിയ ഫാത്തിമ ഹാനിയക്കും ഉപഹാരം നൽകി ആദരിച്ചു. നഗരസഭ വൈസ് ചെയർമാൻ അഷ്‌റഫ്‌ മടാൻ, ക്ഷേമകാര്യ സ്റ്റാന്റിങ് കമ്മിറ്റി ചെയർമാൻ കെ പി ഫിറോസ്, വിദ്യാഭ്യാസ സ്റ്റാന്റിങ് കമ്മിറ്റി ചെയർപേഴ്സൺ റംല കൊടവണ്ടി, ആരോഗ്യ സ്റ്റാന്റിങ് കമ്മിറ്റി ചെയർപേഴ്സൺ സി ടി ഫാത്തിമത്ത് സുഹ്റാബി, വികസന സ്റ്റാന്റിങ് കമ്മിറ്റി ചെയർപേഴ്സൺ മിനി മോൾ, കൗൺസിലർമാരായ സ്വാലിഹ് കുന്നുമ്മൽ,ഷാഹിദ,ഫൗസിയ, കൃഷി ഓഫിസർ ഇസ്‌ന കരിമ്പൻ, ബഡ്‌സ് സ്കൂൾ പ്രധാന അധ്യാപിക കൗലത്ത് പി , പി ടി എ പ്രസിഡന്റ് അബ്ദുൽ മജീദ്, അബ്ദുൽ ലത്തീഫ്, ജസീന എന്നിവർ സംബന്ധിച്ചു.