Dr J Rathnakumar wins London Malayalam Sahitya Vedi Award

മസ്‌കറ്റ്: കല സാഹിത്യ സാംസ്‌കാരിക രംഗത്ത്‌ നൽകിയ സംഭാവനകളെ മാനിച്ചുകൊണ്ട് ലണ്ടൻ മലയാള സാഹിത്യവേദി നൽകി വരുന്ന പുരസ്‌കാരത്തിന് വേൾഡ് മലയാളി ഫെഡറേഷൻ ഗ്ലോബൽ ചെയർമാൻ ഡോ ജെ രത്‌നകുമാർ അർഹനായി.

പ്രസിദ്ധ പത്രപ്രവർത്തകനും, എഴുത്തുകാരനും, അധ്യാപകനുമായ പ്രൊഫ. മാടവന ബാലകൃഷ്ണ പിള്ള, യുകെയിലെ കലാരംഗത്തും, സാംസ്‌കാരിക രംഗത്തും പ്രസിദ്ധനായ ഡോ. അജി പീറ്റർ, എന്നിവരാണ് പുരസ്‌കാരങ്ങൾ ലഭിച്ച മറ്റുള്ളവർ. പുരസ്കാരങ്ങൾ 2025 ഏപ്രിൽ 12 ന്‌ വൈകുന്നേരം 4 മണിയ്ക്ക്‌ കോട്ടയം ഐ എം എ ഹാളിൽ ലണ്ടൻ മലയാള സാഹിത്യവേദി ജനറൽ കോർഡിനേറ്റർ റജി നന്തികാട്ട്‌ അദ്ധ്യക്ഷത വഹിക്കുന്ന 'പുരസ്‌കാര സന്ധ്യ 2025' എന്ന പ്രോഗ്രാമിൽ പ്രമുഖ രാഷ്ട്രീയ സാമൂഹ്യ നേതാക്കളുടെ സാന്നിധ്യത്തിൽ നൽകും.

പുരസ്‌കാര പ്രഖ്യാപനവുമായി ബന്ധപ്പെട്ട പത്രക്കുറിപ്പിൽ പറയുന്നതിങ്ങനെ: "ഇൻഷുറൻസ്‌ മേഖലയിൽ നിരവധി നേട്ടങ്ങൾ കൈവരിച്ച ഡോ. ജെ രത്‌നകുമാർ നിരവധി പുരസ്‌കാരങ്ങൾ പ്രസ്തുത രംഗത്ത്‌ നേടിയിട്ടുണ്ട്‌. വർഷങ്ങളായി സാമൂഹ്യ സാംസ്കാരിക രംഗങ്ങളിൽ സജീവ സാന്നിധ്യമാണ്‌. നിരവധി പ്രസ്ഥാനങ്ങളുടെ അമരക്കാരനായ അദ്ദേഹം നിലവിൽ ലോക കേരള സഭാംഗവും മലയാളം മിഷൻ ഒമാൻ ചാപ്റ്റർ ചെയർമാനായും, വേൾഡ്‌ മലയാളി ഫെഡറെഷൻ ഗ്ലോബൽ ചെയർമാനായും പ്രവർത്തിക്കുന്നു.

വേൾഡ് മലയാളി ഫെഡറേഷന് ഇത് അഭിമാന നിമിഷമാണ്. മാനവികതയിലും സർഗ്ഗാത്മകതയിലുമൂന്നിയുള്ള ഡോ ജെ രത്നകുമാറിന്റെ നേതൃത്വവും, ഇടപെടലും സംഘടനയുടെ വളർച്ചയ്ക്കും, അതുവഴി ഒട്ടേറെ പേർക്ക് പ്രയോജനകരമാവുകയും ചെയ്തിട്ടുള്ളതാണ്. "ഭാവലയ" എന്ന പ്രസ്ഥാനത്തിലൂടെ കലാ രംഗത്ത് അദ്ദേഹം നൽകുന്നത് സ്തുത്യർഹമായ സംഭാവനകളാണ്.

✳️✳️✳️✳️✳️✳️✳️✳️✳️

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

https://www.facebook.com/MalayalamVarthakalNews