BATHINOTHSAVAM 2025 Mega Medical Camp

സൊഹാർ: സൊഹാർ സഹമിൽ നടന്ന സൗജന്യ മെഗാ സ്‌പെഷാലിറ്റി മെഡിക്കൽ ക്യാമ്പ് ജന പങ്കാളിത്തം കൊണ്ട് ശ്രദ്ധേയമായി. സഹം സനായ റോഡിലെ ചിൽഡ്രൻസ് പാർക്കിന്‌ സമീപമുള്ള ഹാളിൽ ആയിരുന്നു പരിപാടി.

സഹം സൗഹൃദ വേദിയും, ബദറുൽ സമാ ഗ്രുപ്പ് ഓഫ് ഹോസ്പിറ്റൽസ് & പൊളിക്ലിനിക്ക് നോർത്ത് ബാത്തിനയും ചേർന്ന് നടത്തിയ മെഡിക്കൽ ക്യാമ്പ് രാവിലെ 9 മണിക്ക് ആരംഭിച്ചു വൈകീട്ട് 2.30 ന് അവസാനിച്ചു.

ഹൃദയരോഗവിഭാഗം, നെഫ്രോളജിസ്റ്റ്, ഗൈനക്കോളജി, ഇ.എൻ. ടി, എല്ലു രോഗം, കുട്ടികളുടെ ഡോക്ടർ, ഇന്റെണൽ മെഡിസിൻ, ജനറൽ പ്രാക്ടീഷ്ണർ എന്നിവരടങ്ങിയ പത്തോളം ഡോക്ടർമാർ പങ്കെടുത്തു. പരിശോധനയിൽ ആവശ്യമായവർക്ക് സൗജന്യ ഇ.സി.ജി സൗകര്യവും ഷുഗർ, പ്രഷർ

എന്നിങ്ങനെയുള്ള പരിശോധനയും നടത്തി.

ഇരുന്നൂറ്റി അമ്പതോളം ആളുകൾ ക്യാമ്പിൽ പങ്കെടുത്ത പരിപാടി സാമൂഹ്യ പ്രവർത്തകൻ തമ്പാൻ തളിപ്പറമ്പ ഉദ്ഘാടനം ചെയ്തു, അശോകൻ അദ്ധ്യക്ഷനായ ചടങ്ങിൽ ബദറുൽ സമാ റീജണൽ ഹെഡ് മനോജ്‌ കുമാർ, ബദറുൽ സമാ സോണൽ മാർക്കറ്റിംഗ് മാനേജർ ഷെയ്ഖ് ബഷീർ, രാജേഷ് കാബൂറ, സജീഷ് ജി ശങ്കർ, വാസുദേവൻ എന്നിവർ ആശംസകൾ നേർന്നു. മജീദ് ആർ. ഐ സ്വാഗതവും, മെഡിക്കൽ ക്യാമ്പ് കോർഡിനേറ്റർ ദിനേശ് കൃഷ്ണ നന്ദിയും പറഞ്ഞു.

ക്യാമ്പിൽ പങ്കെടുത്ത മുഴുവൻ പേർക്കും ഡിസ്‌കൗണ്ട് കൂപ്പൺ വിതരണം ചെയ്തു. കൂടുതൽ പരിശോധനയും ചികിത്സയും ആവശ്യമാണെന്ന് ഡോക്ടർ നിർദ്ദേശിക്കുന്നവർക്ക് ആശുപത്രിയിൽ ചികിത്സാ ചിലവിൽ പരമാവധി കിഴിവ് അനുവദിക്കുമെന്നും ബദറുൽ സമാ ബാത്തിന ഹെഡ് മനോജ്‌ കുമാർ പറഞ്ഞു.

നിർമ്മാണ മേഖലയിലും മറ്റു മേഖലയിൽ ജോലി ചെയ്യുന്നവർക്ക് വലിയ ആശ്വാസമാണ് ഇതുപോലുള്ള സൗജന്യ മെഡിക്കൽ ക്യാമ്പുകൾ, ഈ അവസരം ഉപയോഗ പെടുത്തിയ മുഴുവൻ പേർക്കും സഹം സൗഹൃദ വേദി ഭാരവാഹികൾക്കും സോഹാർ ബദറുൽ സമാ ഹോസ്പിറ്റൽ ബ്രാഞ്ച് ഹെഡ് മിഥിലേഷ് മുരളി നന്ദി പറഞ്ഞു.

ജനുവരി 31 ന് സൊഹാറിൽ നടക്കുന്ന 'ബാത്തിനോത്സവം 2025' ന്റെ പ്രചാരണ പരിപാടിയുടെ ഭാഗമായാണ് മെഡിക്കൽ ക്യാമ്പ് സംഘടിപ്പിച്ചത്.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf & https://www.facebook.com/MalayalamVarthakalNews?mibextid=kFxxJD

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

⭕⭕⭕⭕⭕⭕⭕⭕⭕

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕