Tue Dec 12, 2023 10:56 PM 1ST

Location  

Sign In

ഇൻഡ്യൻ സൈന്യത്തിലേക്ക് തെരഞ്ഞെടുക്കപ്പെട്ട അതുൽകൃഷ്ണനെ ആദരിച്ചു

30 Nov 2025 19:45 IST

MUKUNDAN

Share News :

മറ്റം:അഗ്നിവീറിലൂടെ ഇന്ത്യൻ സൈന്യത്തിൽ ചേർന്ന മറ്റം സെൻ്റ് ഫ്രാൻസിസ് ഹയർ സെക്കൻഡറി സ്കൂളിലെ പൂർവ്വ വിദ്യാർത്ഥിയും,എൻസിസി കേഡറ്റുമായ മറ്റം സ്വദേശി കെ.എസ്.അതുൽ കൃഷ്ണനെ എൻ.സി.യുണിറ്റ് ആദരിച്ചു.അതുൽ കൃഷ്ണയുടെ വസതിയിൽ നടന്ന ചടങ്ങിൽ ഓഫീസർ മേജർ പി.ജെ.സ്റ്റൈജു അതുൽ കൃഷ്ണയ്ക്ക് ഉപഹാരം നൽകി.24 കേരള ബെറ്റാലിയൻ എൻസിസിയിലെ സുബേദാർ ശശികുമാർ മുഖ്യാതിഥിയായി.സൈന്യത്തിലുള്ള അവസരങ്ങളെ കുറിച്ച് നായിക് സുബേദാർ നകുൽ മിർദ്ദ സംസാരിച്ചു.സീനിയർ കേഡറ്റുകളായ അഭിജിത്ത് മോഹൻ,ശിവമല്ലി,ഇസബൽ ജോസ്,മിൻസാര,മുഹമ്മദ് ഷംസുദ്ദീൻ എന്നിവർ അനുമോദന പ്രസംഗം നടത്തി.മറ്റം ഗൗണ്ട് സ്റ്റോപ്പിനടുത്തുള്ള കോലാരി വീട്ടിൽ സുനിൽകുമാർ അനിത ദമ്പതികളുടെ മൂത്തമകനാണ് അതുൽ കൃഷ്ണ.വിദ്യാർത്ഥികളെ സൈനിക ജീവിതത്തിലേക്ക് ആകർഷിക്കാനാണ് ഇത്തരം ആദര സമ്മേളനങ്ങൾ സംഘടിപ്പിച്ചതെന്ന് യുണിറ്റ് ഓഫീസർ മേജർ പി.ജെ.സ്റ്റൈജു അറിയിച്ചു.ആർമി വിഭാഗത്തിലെ ജമ്മു കേഡറിലാണ് അതുൽ കൃഷ്ണയുടെ ആദ്യ പോസ്റ്റിംഗ്.




Follow us on :

More in Related News