Sohar Malayali Sangam Youth Festival

സൊഹാർ: സൊഹാർ മലയാളി സംഘം ഇന്ത്യൻ സോഷ്യൽ ക്ലബ്‌ സോഹാറുമായിസഹകരിച്ചു സംഘടിപ്പിക്കുന്ന ഒൻപതാമത് യുത്ത് ഫെസ്റ്റിവലിനു വെള്ളിയാഴ്ച്ച തിരി തെളിയും.

രണ്ട് ദിവസങ്ങളിലായി സോഹാർ അംബറിലുള്ള വിമൻസ് അസോസിയേഷൻ ഹാളിലാണ് പരിപാടി ഒരുക്കിയിരിക്കുന്നത്. രാവിലെ എട്ട് മണിക്ക് ആരംഭിക്കുന്ന പരിപാടികൾ നാല് വേദികളിലായാണ് മത്സരാർഥികൾ മാറ്റുരക്കുക 'നിള ' ' ഗംഗ ' 'യമുന' 'കാവേരി' എന്നിങ്ങനെ പേരുകളിലുള്ള സ്റ്റേജുകളിലാണ് മത്സര ഇനങ്ങൾ അരങ്ങേറുക.

സോഹാർ മുനിസിപ്പൽ കൌൺസിൽ അംഗമായ ഇബ്രാഹിം അലി ഖാദി അൽ റൈസി ഉത്ഘാടനം നിർവഹിക്കുന്ന ചടങ്ങിൽ സോഹാർ മുനിസിപ്പാലിറ്റി ഡെപ്യൂട്ടി ഡയറക്ടർ ദാർവിഷ് മുഹമ്മദ്‌ അൽ ബലൂഷി, സോഹാർ വിമൻസ് അസോസിയേഷൻ പ്രതിനിധി ഖദിജ മുഹമ്മദ് സാലിഹ് അൽ നോഫ്‌ലി, ഇന്ത്യൻ സോഷ്യൽ ക്ലബ്‌ സോഹാർ പ്രസിഡന്റ്‌ രാജേഷ് കൊണ്ടാല, സോഹാർ ഇന്ത്യൻ സ്കൂൾ പ്രിൻസിപ്പൽ സഞ്ചിത വർമ, സാഹിത്യകാരൻ കെ.ആർ.പി വള്ളികുന്നം മലയാളി സംഘം ഭാരവാഹികൾ എന്നിവർ പങ്കെടുക്കുമെന്ന് സംഘാടനാ പ്രതിനിധികൾ അറിയിച്ചു.

ഓരോ മത്സര ഇനങ്ങൾക്കും സുതാര്യമായ വിധി നിർണയം നടത്തുന്നതിനായി പ്രശസ്തരും പ്രഗത്ഭരുമായ വിധികർത്താക്കൾ കേരളത്തിൽ നിന്നും മറ്റു ഗൾഫ് രാജ്യങ്ങളിൽ നിന്നും ആയി എത്തുന്ന മത്സരത്തിൽ എൺപതോളം ഇനങ്ങളിൽ മത്സരം നടക്കും.

ഒമാനിൽ അങ്ങോളമിങ്ങോളമുള്ള പ്രദേശങ്ങളിൽ നിന്നും എത്തുന്ന മുന്നൂറ്റി അമ്പതിലധികം മത്സരാർഥികൾ എഴുന്നുറോളം മത്സരങ്ങളിൽ മാറ്റുരക്കും. വിപുലമായ യൂത്ത് ഫെസ്റ്റിവലിനായുള്ള ഒരുക്കങ്ങൾ എല്ലാം പൂർത്തിയായതായും സോഹാർ മലയാളി സംഘം ഭാരവാഹികൾ അറിയിച്ചു. പ്രവേശനം സൗജന്യമായിരിക്കും.

റിപ്പോർട്: റഫീഖ് പറമ്പത്ത്

⭕⭕⭕⭕⭕⭕⭕⭕⭕ For: News & Advertisements: +968 95210987 / +974 55374122

ഗൾഫ് വാർത്തകൾക്കായി https://enlightmedia.in/news/category/gulf

https://www.facebook.com/MalayalamVarthakalNews?mibextid=kFxxJD

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

⭕⭕⭕⭕⭕⭕⭕⭕⭕

Tags: