ദോഹ: അന്തരിച്ച മുൻ മുഖ്യമന്ത്രി ഉമ്മൻ ചാണ്ടിയുടെ ഒന്നാം ചരമ വാർഷികാചരണത്തിൻ്റെ ഭാഗമായി, ഇൻകാസ് ഖത്തർ എറണാകുളം ജില്ലാ കമ്മിറ്റി, റിയാദാ മെഡിക്കൽ സെൻ്ററുമായി സഹകരിച്ച് സൗജന്യ മെഡിക്കൽ ക്യാമ്പ് സംഘടിപ്പിച്ചു. ദോഹ സി-റിംഗ്‌ റോഡിലെ റിയാദാ മെഡിക്കൽ സെന്ററിൽ വച്ച് നടത്തിയ ക്യാമ്പിൽ 250 ഓളം പേർ വിവിധ സേവനങ്ങൾ ഉപയോഗപ്പെടുത്തി.

വിവിധ രക്തപരിശോധനകൾ, ഡോക്ടർ കൺസൽട്ടേഷൻ, നേത്ര പരിശോധന, ദന്ത പരിശോധന തുടങ്ങിയവയും ക്യാമ്പിൻ്റെ ഭാഗമായി ലഭ്യമാക്കിയിരുന്നു.

ഐ.സി.സി പ്രസിഡന്റ് ഏ.പി മണികണ്ഠൻ ക്യാമ്പ് ഉദ്ഘാടനം ചെയ്‌തു. ഇൻകാസ് എറണാകുളം ജില്ലാ പ്രസിഡൻ്റ് ഷെമീർ പുന്നൂരാൻ അദ്ധ്യക്ഷനായിരുന്നു. ഐ.സി.ബി.എഫ് പ്രസിഡന്റ്‌ ഷാനവാസ് ബാവ, ഐ. എസ്.സി ജനറൽ സെക്രട്ടറി നിഹാദ് അലി, റിയാദാ മെഡിക്കൽ സെന്റർ മാനേജിംഗ് ഡയറക്ടർ ജംഷീർ ഹംസ, ഇൻകാസ് ആക്ടിംഗ് പ്രസിഡൻ്റ് സി. താജുദ്ദീൻ, ഐ.സി.ബി.എഫ് ജനറൽ സെക്രട്ടറി കെ.വി ബോബൻ, ഇൻകാസ് ജനറൽ സെക്രട്ടറി ബഷീർ തുവാരിക്കൽ, വൈസ് പ്രസിഡൻ്റ് വി.എസ്. അബ്ദുൾ റഹ്മാൻ തുടങ്ങിയവർ സംസാരിച്ചു.

ജില്ലാ ജനറൽ സെക്രട്ടറി പി.ആർ ദിജേഷ് സ്വാഗതവും, ട്രഷറർ എം.പി. മാത്യു നന്ദിയും പറഞ്ഞു.

ഐ.സി.സി ഉപദേശക സമിതി അംഗവും, ഇൻകാസ് ഉപദേശക സമിതി ചെയർമാനുമായ ജോപ്പച്ചൻ തെക്കെക്കൂറ്റ്, രക്ഷാധികാരി മുഹമ്മദ് ഷാനവാസ്, കെ.കെ. ഉസ്മാൻ, സിദ്ധിഖ് പുറായിൽ, ഐ. എസ്. സി സെക്രട്ടറി പ്രദീപ്‌ പിള്ള, ഐ. സി. സി സെക്രട്ടറി എബ്രഹാം കെ.ജോസഫ്, ഐ.സി.സി യൂത്ത് വിംഗ് ചെയർമാൻ എഡ്വിൻ സെബാസ്റ്റ്യൻ, ഇൻകാസ് വൈസ് പ്രസിഡന്റ് ഷിബു സുകുമാരൻ, ജനറൽ സെക്രട്ടറിമാരായ സി.എ അബ്ദുൽ മജീദ്, അഷ്‌റഫ് നന്നംമുക്ക്, മുനീർ ഏറാത്ത്, സർജിത് കുട്ടംപറമ്പത്ത്,

ആന്റണി ജോൺ, ഇൻകാസ് ലേഡീസ് വിംഗ് പ്രസിഡന്റ് സിനിൽ ജോർജ്, ട്രഷറർ അനൂജ റോബിൻ, യൂത്ത് വിംഗ് പ്രസിഡന്റ് ദീപക് സി.ജി, ഐ.വൈ.സി. ഇൻ്റർനാഷണൽ ട്രഷറർ ബി.എം ഹാഷിം, മറ്റ് സെൻട്രൽ കമ്മിറ്റി ഭാരവാഹികളും, വിവിധ ജില്ലാ ഭാരവാഹികളും, യൂത്ത് വിംഗ്, ലേഡീസ് വിംഗ് ഭാരവാഹികളും സന്നിഹിതരായിരുന്നു.

സെൻട്രൽ കമ്മിറ്റി ഭാരവാഹികളായ ഷിജു കുര്യക്കോസ്, മഞ്ജുഷ ശ്രീജിത്ത്, ടി.പി റഷീദ്, ഐ.വൈ.സി ഇൻ്റർനാഷണൽ ജനറൽ സെക്രട്ടറി ബിനീഷ് കെ.അഷ്‌റഫ്, ജില്ലാ ഭാരവാഹികളായ ഷിജോ തങ്കച്ചൻ, ബിനു പീറ്റർ, അൻഷാദ് ആലുവ, പി.ആർ രാമചന്ദ്രൻ, ഷെമീം ഹൈദ്രോസ്, എൽദോസ് സി.എ, അബു താഹിർ, ബെൻസൺ ചാണ്ടി, സിനിക് സാജു , ഷാജി എം.ഹമീദ്, വിനോദ് സേവ്യർ, നൗഷാദ് ഇടപ്പള്ളി, ജെറിൻ കെ, അരുൺ ബേബി തുടങ്ങിയവർ ക്യാമ്പിന് നേതൃത്വം നല്കി.