Notorious Rowdy jailed under Kapa Act

ചാവക്കാട്:തൃശൂർ ജില്ലാ കളക്ടറുടെ കരുതൽ തടങ്കൽ ഉത്തരവിന്റെ അടിസ്ഥാനത്തിൽ കുപ്രസിദ്ധ റൗഡിയെ കാപ്പ നിയമം പ്രകാരം ജയിലിലടച്ചു.ചാവക്കാട് മണത്തല ബേബി റോഡ് ഷാഫി നഗറിൽ താമസിക്കുന്ന ആലുക്കൽ സജീവൻ മകൻ വിഷ്ണു സരേഷി(24)നെയാണ് തൃശൂർ സിറ്റി ജില്ലാ പോലീസ് കമ്മീഷണറുടെ നിർദേശപ്രകാരം ഗുരുവായൂർ എസിപി പ്രേമാനന്ദ കൃഷ്ണന്റെ നേതൃത്വത്തിൽ ചാവക്കാട് എസ്‌എച്ച്ഒ വി.വി.വിമൽ,എസ്‌ഐ സി.സജിത്ത് മോൻ,സിവിഒമാരായ അമർ,ജി.അരുൺ,രെജിത്,അജിത് ലാൽ,അനൂപ് എന്നിവരടങ്ങുന്ന പോലീസ് സംഘം അറസ്റ്റ് രേഖപ്പെടുത്തി തൃശൂര്‍ സെന്ട്രൽ‍ ജയിലിലാക്കി.ചാവക്കാട്,തിരൂര്‍,കാട്ടൂർ,വടക്കേക്കാട് സ്റ്റേഷനുകളിലായി‍ വിഷ്ണു സരേഷിനെതിരെ കൊലപാതകശ്രമം,മോഷണം,ദേഹോപദ്രവം ഏൽപ്പിക്കുക,സംഘം ചേര്‍ന്ന് ആക്രമിച്ച് പരിക്കേൽപ്പിക്കുക,അസഭ്യം പറയുക,ഭീഷണിപ്പെടുത്തുക തുടങ്ങിയ പൊതുസമാധാനത്തിനും,പൊതുസുരക്ഷക്കും ഭീഷണിയുണ്ടാക്കുന്നതായ കുറ്റകൃത്യങ്ങളിൽ നിരന്തരം ഏർപ്പെട്ട് പൊതുസമാധാനത്തിനും, പൊതുസുരക്ഷക്കും കടുത്ത ഭീഷണിയായി തീർന്നിട്ടുളള വ്യക്തിയാണെന്നും,സാമൂഹ്യ വിരുദ്ധ പ്രവർത്തനങ്ങൾ തുടരുന്നയാളായതിനാലാണ് കുപ്രസിദ്ധ റൗഡി എന്ന ഗണത്തിലുൾപ്പെടുത്തി വിഷ്ണു സരേഷിനെതിരെ കാപ്പ നടപടിയുണ്ടായിട്ടുള്ളത്.