He snatched Rs 15 lakh from a Thalaparambu native woman by offering her a job in the UK.

വൈക്കം: യു. കെ യിൽ ജോലി വാഗ്ദാനം ചെയ്ത് തലയോലപ്പറമ്പ് സ്വദേശിയായ യുവതിയിൽ നിന്നും 15 ലക്ഷം രൂപ തട്ടിയെടുത്ത കേസിൽ ബാംഗ്ലൂരിലെ പ്രൈവറ്റ് സ്ഥാപന എം ഡിയും ഡയറക്ടറും പിടിയിൽ. ബാംഗ്ലൂരിലെ IE4U ഗ്ലോബൽ പ്രൈവറ്റ് ലിമിറ്റഡ് എന്ന സ്ഥാപനത്തിൻ്റെ ഡയറക്ടർ വയനാട് സുൽത്താൻ ബത്തേരി കുരിയനാട് വീട്ടിൽ ജുഹൽ സിറാജ് (30), സ്ഥാപന എം.ഡി കോഴിക്കോട് മടവൂർ പടനിലം പുതുശ്ശേരിമ്മേൽ സജീഷ് പി ശങ്കരൻ (44) എന്നിവരെയാണ് തലയോലപ്പറമ്പ് പോലീസ് പത്തനംതിട്ടയിൽ നിന്നും കസ്റ്റഡിയിൽ വാങ്ങിയത്. ഇൻസ്റ്റാഗ്രാമിലൂടെ ബാംഗ്ലൂരിലുള്ള ഇവരുടെ ജോബ് കമ്പനിയുമായി ബന്ധപ്പെടുകയും പിന്നീട് ബാംഗ്ലൂരിലെത്തി ജുഹൽ സിറാജുമായി സംസാരിക്കുകയും യു.കെ യിൽ ഹെൽത്ത് കെയർ ടേക്കറായി യുവതിക്ക് ജോലി വാങ്ങിക്കൊടുക്കാം എന്നു പറഞ്ഞ് വിശ്വസിപ്പിച്ച ശേഷം 2023 ജൂലൈയിലും, ഒക്ടോബറിലുമായി യുവതിയുടെ ബാങ്ക് അക്കൗണ്ടുകളിൽ നിന്നും ഇവരുടെ സ്ഥാപനത്തിന്റെ ബാംഗ്ലൂരിലുള്ള ബാങ്ക് അക്കൗണ്ടിലേക്ക് രണ്ട് തവണകളിലായി 15 ലക്ഷം രൂപ വാങ്ങുകയുമായിരുന്നു. ആവശ്യപ്പെട്ട പണം നൽകി മാസങ്ങൾ കഴിഞ്ഞിട്ടും ജോലി ലഭിക്കാതെ വന്നതോടെ യുവതി തലയോലപ്പറമ്പ് പോലീസിൽ പരാതി നൽകുകയായിരുന്നു. പോലീസ് കേസ് രജിസ്റ്റർ ചെയ്യുകയും തുടർന്ന് അന്വോഷണം നടത്തുന്നതിനിടെയാണ് കഴിഞ്ഞ ദിവസം ഇവരെ പത്തനംതിട്ട പോലീസ് സമാന തട്ടിപ്പ് കേസ്സിൽ പിടികൂടുന്നത്.തുടർന്ന് തലയോലപ്പറമ്പ് പോലിസ് ഇവരെ കസ്റ്റഡിയിൽ വാങ്ങി സ്ഥലത്തെത്തിച്ച് തെളിവെടുപ്പ് നടത്തി. ഇതേ സ്ഥാപനത്തിനെതിരെ കടുത്തുരുത്തി പോലീസ് സ്റ്റേഷനിലും കേസ് നിലവിലുണ്ട്. വിവിധ ജില്ലകളിൽ ഇവർ ഇത്തരത്തിൽ തട്ടിപ്പ് നടത്തി കോടികൾ തട്ടിയെടുത്തതായാണ് സൂചന.

Tags:

യു. കെയിൽ ജോലി വാഗ്ദാനം ചെയ്ത് തലയോലപ്പറമ്പ് സ്വദേശിയായ യുവതിയിൽ നിന്നും 15 ലക്ഷം രൂപ തട്ടിയെടുത്തു.

More in Related News