യങ് ഇന്നോവേറ്റേഴ്സ് പ്രോഗ്രാം ; ഓറിയൻ്റൽ ഹയർ സെക്കണ്ടറി സ്കൂളിന് തുടർച്ചയായി രണ്ടാം തവണയും ജില്ലാതല അവാർഡ്

29 Nov 2025 08:46 IST

Share News :

Young Innovators Programme ; Second consecutive District Level Award for Oriental Higher Secondary School

തിരൂരങ്ങാടി : വിദ്യാർഥികളിൽ നിന്നും ഇന്നോവേറ്റീവ് ഐഡിയകൾ കണ്ടെത്തുന്നതിന് വേണ്ടി കേരളത്തിലെ പൊതുവിദ്യാലയങ്ങളിൽ കെ ഡിസ്ക്, സമഗ്ര ശിക്ഷ കേരളവുമായി സഹകരിച്ച് സംഘടിപ്പിക്കുന്ന പരിപാടിയായ വൈ.ഐ.പി ശാസ്ത്രപഥത്തിൽ തിരൂരങ്ങാടി ഓറിയൻ്റെൽ ഹയർ സെക്കണ്ടറി സ്കൂളിലെ ഹൈസ്ക്കൂൾ വിഭാഗം വിദ്യാർഥികൾ തുടർച്ചയായി രണ്ടാം തവണയും ജില്ലാതല ജേതാക്കളായി.

പത്താം ക്ലാസിൽ പഠിക്കുന്ന ശാസ്ത്രപ്രതിഭകളായ മുഹമ്മദ് ഷാമിൽ, മുഹമ്മദ് സഹൽ എന്നിവരാണ് ഇത്തവണ നേട്ടത്തിനർഹരായത്. സംസ്ഥാന സർക്കാറിൻ്റെ കീഴിലുള്ള കെ ഡിസ്കിൻ്റെ യങ് ഇന്നോവേറ്റേഴ്‌സ് പ്രോഗ്രാമിലാണ് ഇവർ സമർപ്പിച്ച ഇന്നോവേറ്റീവ് ഐഡിയ സംസ്ഥാനതല മത്സരത്തിലേക്ക് തെരഞ്ഞെടുക്കപ്പെട്ടത്. വിജയികൾക്ക് 25,000 രൂപയു ടെ ക്യാഷ് അവാർഡും പ്രശസ്തി പത്രവും ലഭിക്കും.

സ്കൂളിലെ വൈ.ഐ.പി. ക്ലബ് കൺവീനർ ഡോ. ടി.പി. റാഷിദ് മാസ്റ്ററാണ്

വിദ്യാർഥികൾക്കാവശ്യമായ പിന്തുണ നൽകുന്നത്. സ്കൂൾ മാനേജർ എം.കെ. ബാവ സാഹിബ്, പ്രിൻസിപ്പൽ ഒ. ഷൗക്കത്തലി, പ്രധാനധ്യാപകൻ കെ.കെ. ഉസ്മാൻ കൊടിയത്തൂർ, മുൻ ഹെഡ്മാസ്റ്റർ ടി. അബ്ദുറഷീദ് , പി.ടി.എ പ്രസിഡന്റ് എം.ടി. അയ്യൂബ് മാസ്റ്റർ, സ്റ്റാഫ് സെക്രട്ടറിമാരായ എം.പി.അലവി, ടി. സാലിം മറ്റു അധ്യാപകർ പി.ടി.എ ഭാരവാഹികൾ എന്നിവർ വിദ്യാർഥികളെ അനുമോദിച്ചു.