Wadakkanchery Service Co-operative Bank Reception of Citizenship to New Governing Body

വടക്കാഞ്ചേരി സർവീസ് സഹകരണ ബാങ്കിൽ ഐക്യകണ്ഠ്യേന തെരഞ്ഞെടുക്കപ്പെട്ട് ചുമതലയേറ്റ പുതിയ ഭരണസമിതിയ്ക്ക് വടക്കാഞ്ചേരി പൗരാവലിയുടെ സ്വീകരണം നൽകി. ബാങ്ക് ഹാളിൽ വച്ച് നടന്ന ചടങ്ങിൽ വടക്കാഞ്ചേരി നഗരസഭ ചെയർമാൻ പി എൻ സുരേന്ദ്രൻ അധ്യക്ഷത വഹിച്ചു. സേവ്യർ ചിറ്റിലപ്പിള്ളി എം എൽ എ ചടങ്ങ് ഉദ്ഘാടനം ചെയ്തു. നഗരസഭ വൈസ് ചെയർപേഴ്സൺ ഷീല മോഹനൻ, സിപിഐ എം വടക്കാഞ്ചേരി ഏരിയ സെക്രട്ടറി ഡോ. കെ ഡി ബാഹുലേയൻ മാസ്റ്റർ, സിപിഐ ജില്ലാ എക്സിക്യൂട്ടീവ് അംഗം ഇ എം സതീശൻ, സിപിഐ വടക്കാഞ്ചേരി മണ്ഡലം സെക്രട്ടറി എം യു കബീർ, വ്യാപാരി വ്യവസായി ഏകോപന സമിതിക്ക് വേണ്ടി അജിത് കുമാർ മല്ലയ്യ, മുതിർന്ന മാധ്യമ പ്രവർത്തകൻ വി മുരളി, മുൻ ബാങ്ക് പ്രസിഡൻ്റ് എൻ ടി ബേബി, വ്യാപാരി വ്യവസായി സമിതി പ്രസിഡൻ്റ് ഇ കെ കുമാരൻ, സ്പന്ദനം വടക്കാഞ്ചേരിക്ക് വേണ്ടി സി ഓ ദേവസ്സി, വടക്കാഞ്ചേരി പ്രസ് ക്ലബ് പ്രസിഡൻ്റ് അജീഷ് കർക്കിടകത്ത്, ഉത്രാളിക്കാവ് പൂരം എങ്കക്കാട് ദേശം കമ്മിറ്റിക്കു വേണ്ടി ജയഷ്, കുമരനെല്ലൂർ ദേശം കമ്മിറ്റിക്കു വേണ്ടി ബാലകൃഷ്ണൻ എന്നിവർ ആശംസകൾ അർപ്പിച്ച് സംസാരിച്ചു.