Six people have been arrested in connection with the murder of a young man at a bar.

അങ്കമാലി: ബാറില്‍ യുവാവിനെ കൊലപ്പെടുത്തിയ കേസില്‍ ആറ് പേര്‍ അറസ്റ്റില്‍. കിടങ്ങൂര്‍ കിഴങ്ങന്‍ പള്ളി ബിജേഷ് (ബിജു 37), കിടങ്ങൂര്‍ മണാട്ട് വളപ്പില്‍ വിഷ്ണു (33), കിടങ്ങൂര്‍ തേറാട്ട് സന്ദീപ് (41), പവിഴപ്പൊങ്ങ് പാലമറ്റം ഷിജോ ജോസ് (38), പവിഴപ്പൊങ്ങ് കിങ്ങിണിമറ്റം സുരേഷ് (തമ്പുരാട്ടി സുരേഷ് 43), മറ്റൂര്‍ പൊതിയക്കര വല്ലൂരാന്‍ ആഷിഖ് പൗലോസ് (25) എന്നിവരെയാണ് അങ്കമാലി പോലീസ് അറസ്റ്റ് ചെയ്തത്. ആഷിഖ് മനോഹരനാണ് കൊല്ലപ്പെട്ടത്.

വ്യക്തി വൈരാഗ്യമാണ് സംഭവത്തിന് പിന്നില്‍. ആഷിഖ് മനോഹരനെ സുഹൃത്തായ ആഷിഖ് പൗലോസ് ബാറിലെത്തിക്കുകയായിരുന്നു. പ്രതികളില്‍ ചിലരെ മര്‍ദ്ദിച്ചതുമായി ബന്ധപ്പെട്ട് ആഷിഖ് മനോഹരനെതിരെ കേസുകളുണ്ട്. ഈ മര്‍ദ്ദനത്തിന്റെ വൈരാഗ്യമാണ് വാക്കുതര്‍ക്കത്തില്‍ തുടങ്ങി കൊലപാതകത്തില്‍ കലാശിച്ചത്. ഒളിവിലായിരുന്ന പ്രതികളെ അങ്കമാലിയിലെ വിവിധ ഇടങ്ങളില്‍ നിന്നാണ് പിടികൂടിയത്. അറസ്റ്റിലായവരില്‍ ഷിജോ ജോസ്, സന്ദീപ് എന്നിവരൊഴികെയുള്ളവര്‍ നിരവധി കേസുകളില്‍ ഉള്‍പ്പെട്ടവരാണ്.ജില്ലാ പോലീസ് മേധാവി വൈഭവ് സക്‌സേനയുടെ നേതൃത്വത്തില്‍ ഡി.വൈ.എസ്.പി ടി.ആര്‍ രാജേഷ്, ഇന്‍സ്‌പെക്ടര്‍ ആര്‍.വി അരുണ്‍കുമാര്‍, എസ്.ഐ കെ.പ്രദീപ് കുമാര്‍, സി.പി.ഒമാരായ അജിത തിലകന്‍, മുഹമ്മദ് ഷരീഫ്, കെ.എം മനോജ്, എന്‍.എസ് അഭിലാഷ്, മുഹമ്മദ് അമീര്‍ തുടങ്ങിയവരാണ് അന്വേഷണ സംഘത്തിലുള്ളത്.