New Chairpersons of Qatar Naushad Association.

ദോഹ: ഖത്തർ നൗഷാദ് അസോസിയേഷന് പുതിയ ഭാരവാഹികളെ തെരഞ്ഞെടുത്തു.ജി. സി. സി. നൗഷാദ് ഖത്തർ പ്രവിശയുടെ പ്രസിഡൻ്റ് നൗഷാദ് ചൊക്ലി യുടെ അധ്യക്ഷയിൽ ചേർന്നയോഗത്തിലാണ് പുതിയ ഭാരവാഹികളെ തെരഞ്ഞെടുത്തത്.

പ്രസിഡൻ്റ്-നൗഷാദ് പൈക്ക, നൗഷാദ് അങ്ങാടി, നൗഷാദ് മക്കരപ്പറമ്പ് (വൈസ് പ്രസിഡൻ്റമാർ), നൗഷാദ് എടപ്പാൾ (ജനറൽ സെക്രട്ടറി), നൗഷാദ് എം.എൻ, നൗഷാദ് രാമനാട്ടുകര ( ജോ.സെക്രട്ടറിമാർ) നൗഷാദ് വയനാട് (ട്രഷറർ ) എന്നിവരാണ് പുതിയ ഭാരവാഹികൾ. നൗഷാദ് പള്ളിവിള, നൗഷാദ് ചെമ്മാട്, നൗഷാദ് വർക്കല, നൗഷാദ് ചൊക്ലി, നൗഷാദ് വളാഞ്ചേരി, നൗഷാദ് പാനൂർ എന്നിവർ നിർവാഹക സമിതി അംഗങ്ങളാണ്. ഓൺലൈനായി നടന്ന യോഗം ജിസിസി നൗഷാദ് അസോസിയേഷൻ പ്രസിഡൻ്റ് നൗഷാദ് ആലംകോട് ഉദ്ഘാടനം ചെയ്തു‌. സംഘടനാ വിശദീകരണപ്രഭാഷണം ജിസിസി ജനറൽ സെക്രട്ടറി നൗഷാദ് തേവലക്കര നിർവഹിച്ചു. യു.എ.ഇ, ഒമാൻ, സൗദി അറേബ്യ, കുവൈറ്റ്, ബഹറൈൻ തുടങ്ങിയ ജിസിസി രാജ്യങ്ങളിൽ നിന്നുള്ള പ്രതിനിധികൾ പുതിയ കമ്മറ്റിഅങ്ങൾക്ക് ആശംസകൾ അറിയിച്ചു.

പുതിയ കമ്മിറ്റിയുടെ ആദ്യ സാന്ത്വന പ്രവർത്തനം എന്ന നിലക്ക് 50 ഓളം സാധുക്കളായ രോഗികൾക്ക് ജിസിസി നൗഷാദ് അസോസിയേഷൻ്റെ കീഴിൽ പ്രവർത്തിക്കുന്ന എൻ 4 മെഡിക്കൽസുമായി ചേർന്ന് ഡോക്ടറുടെ സേവനവും മരുന്നും സൗജന്യമായി നൽകാൻ തീരുമാനിച്ചു. ജനറൽ സെക്രട്ടറി നൗഷാദ് വളാഞ്ചേരി സ്വാഗതവും ട്രഷറർ നൗഷാദ് വയനാട് നന്ദിയും പറഞ്ഞു.