Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
23 Mar 2026 21:31 IST
Share News :
കോഴിക്കോട്: തിരഞ്ഞെടുപ്പ് പ്രചാരണങ്ങളിലും തിരഞ്ഞെടുപ്പ് സംബന്ധമായ മറ്റു പ്രവര്ത്തനങ്ങളിലും കുട്ടികളെ ഉപയോഗിക്കാന് പാടില്ലെന്ന് ജില്ലാ തിരഞ്ഞെടുപ്പ് ഓഫീസര് കൂടിയായ ജില്ലാ കലക്ടര് സ്നേഹില് കുമാര് സിങ് അറിയിച്ചു. ഇക്കാര്യത്തില് തിരഞ്ഞെടുപ്പ് കമീഷന്റെ വ്യക്തമായ നിര്ദേശങ്ങളുണ്ട്. റാലികള്, മുദ്രാവാക്യം വിളികള്, പോസ്റ്റര്-ലഘുലേഖ വിതരണം, തിരഞ്ഞെടുപ്പ് യോഗങ്ങള് തുടങ്ങിയ പ്രവര്ത്തനങ്ങളില് കുട്ടികളെ പങ്കെടുപ്പിക്കാന് പാടില്ല. പ്രചാരണത്തിനിടെ കുട്ടികളെ കൈകളില് എടുക്കുന്നതും വാഹനത്തിലോ റാലിയിലോ പങ്കെടുപ്പിക്കുന്നതും അനുവദനീയമല്ല.
തിരഞ്ഞെടുപ്പ് കവിതകള്, പാട്ടുകള്, പ്രസംഗം, രാഷ്ട്രീയ പാര്ട്ടിയുടെയോ സ്ഥാനാര്ഥിയുടെയോ ചിഹ്നങ്ങളുടെ പ്രദര്ശനം തുടങ്ങിയ പ്രവര്ത്തനങ്ങളിലൊന്നും കുട്ടികളെ ഉള്പ്പെടുത്താന് പാടില്ല. കുട്ടികളെ ഇത്തരം പ്രവര്ത്തനങ്ങളില് പങ്കാളികളാക്കുന്നത് ബാലവേല നിരോധന നിയമം ഉള്പ്പെടെയുള്ള നിയമങ്ങള് പ്രകാരം നിരോധിക്കപ്പെട്ടതാണെന്നും കലക്ടര് വ്യക്തമാക്കി.
Follow us on :
Tags:
More in Related News
Please select your location.
