ഹോളിഗ്രേസ് ദേശീയ പുസ്തകോത്സവം

24 Oct 2024 14:11 IST

Share News :

മാള:

മാള ഹോളിഗ്രേസ് അക്കാഡമിയുടെ അഞ്ചു കോളേജുകളും CBSE സ്കൂളും സംയുക്തമായി നടത്തുന്ന ദ്വിദിന ദേശീയപുസ്തകോത്സവം കൈപ്പമoഗലം എം. എൽ.എ. ഇ.ട്ടി. ടൈസൺ മാസ്റ്റർ ചൊവ്വാഴ്ച (29/10/24) ഉൽഘാടനം ചെയ്യും.

കോളേജുകളിലേയും, സ്കൂളിലേയും മികച്ച വായനക്കാർക്കുള്ള അവാർഡുകൾ അദ്ദേഹം വിതരണം ചെയ്യും.

പുസ്തകോത്സവ ത്തോടനുബന്ധിച്ച് വിവിധ കോളേജുകളിലെ വിദ്യാർത്ഥികൾക്കായി നടത്തിയ സാഹിത്യ മത്സര വിജയികൾക്കുള്ള സമ്മാനങ്ങളും തദവസരത്തിൽ വിതരണം ചെയ്യും.

ഹോളിഗ്രേസ് സ്ഥാപനങ്ങളുടെ ഗ്രൂപ്പ്‌ ചെയർമാൻ സാനി എടാട്ടുകാരൻ അധ്യക്ഷത വഹിക്കും.

"വായനയും ലൈബ്രറിയും" എന്ന വിഷയത്തിൽ ലൈബ്രറി ഡയറക്ടർ പ്രൊഫ. ഡോ:എ. റ്റി. ഫ്രാൻ‌സീസും, "വായനയും മാധ്യമവും" എന്ന വിഷയത്തിൽ എം.ബി.എ കോളേജ് ഡയറക്ടർ, ഡോ. മണിലാൽ. പി യും സെമിനാറുകൾ നടത്തും

അക്കാദമിക പുസ്തകങ്ങൾ കൂടാതെ, സാഹിത്യം, സിനിമ, സ്പോർട്സ്, ആരോഗ്യം, തുടങ്ങി വിവിധ വിഭാഗങ്ങളിലെ ആയിരത്തിലധികം പ്രസാധകരുടെ പുസ്തകങ്ങൾ പുസ്തകോത്സവത്തിൽ പ്രദര്‍ശിപ്പിക്കും.

കോളേജുകൾ, സ്കൂളുകൾ, ലൈബ്രറികൾ, പൊതു ജനങ്ങൾ വിദ്യാർത്ഥികൾ തുടങ്ങിയവർക്കും വളരെ ആകർഷകമായ വിലക്കുറവിൽ പുസ്തകങ്ങൾ വാങ്ങാവുന്നതാണ്.

താല്പര്യമുള്ള വിതരണക്കാർ, എഴുത്തുകാർ എന്നിവർക്ക് ഇനിയും രജിസ്റ്റർ ചെയ്യാവുന്നതാണ്. സ്റ്റാളുകൾ സൗജന്യമാണ്. ബന്ധപ്പെടുക: 9496839409.ഡോ:എ. റ്റി. ഫ്രാൻ‌സിസ്.