Excise giant cannabis poaching in Manjeri; Two arrested with 40.82 kg cannabis

മലപ്പുറം : മഞ്ചേരിയിൽ എക്‌സൈസിന്റെ വൻ കഞ്ചാവ് വേട്ട. 40.82 കിലോഗ്രാം കഞ്ചാവുമായി രണ്ട് പേരെ അറസ്റ്റ് ചെയ്തു. മലപ്പുറം സ്വദേശികളായ അനസ്(31 വയസ്), ഫിറോസ്(37 വയസ്) എന്നിവരാണ് കാറിൽ കടത്തിക്കൊണ്ട് വന്ന കഞ്ചാവുമായി പിടിയിലായത്. എക്സൈസ് ഉദ്യോഗസ്ഥരെ ഇലക്ട്രിക് ടോർച്ചുപയോഗിച്ച് ഷോക്കടിപ്പിച്ച് രക്ഷപ്പെടാൻ ശ്രമിച്ച പ്രതികളെ സാഹസികമായാണ് എക്സൈസ് ഉദ്യോഗസ്ഥർ കീഴ്‌പ്പെടുത്തിയത്. ജില്ലയിലെ കഞ്ചാവ് വിൽപ്പനക്കാർക്ക് വൻതോതിൽ കഞ്ചാവ് എത്തിച്ചു നൽകുന്ന മൊത്തക്കച്ചവടക്കാരാണ് ഇവർ.

അഡീഷണൽ എക്സൈസ് കമ്മീഷണർ പി.വിക്രമൻ്റെ മേൽനോട്ടത്തിൽ മലപ്പുറം എക്സൈസ് സ്പെഷ്യൽ സ്‌ക്വാഡ്, മലപ്പുറം എക്സൈസ് ഇന്റലിജിൻസ് ബ്യൂറോ, എക്സൈസ് കമ്മീഷണറുടെ ഉത്തരമേഖല സ്‌ക്വാഡ് എന്നിവരുടെ സംയുക്ത പരിശോധനയിലാണ് കേസ് കണ്ടെടുത്തത്.

എക്സൈസ് സർക്കിൾ ഇൻസ്‌പെക്ടർമാരായ എൻ.നൗഫൽ, പി.കെ.മുഹമ്മദ് ഷഫീഖ്, എക്സൈസ് ഇൻസ്‌പെക്ടർ ടി.ഷിജുമോൻ, അസിസ്റ്റന്റ് എക്സൈസ് ഇൻസ്‌പെക്ടർമാരായ അബ്ദുൾ വഹാബ്, ആസിഫ് ഇഖ്‌ബാൽ, ഒ.അബ്ദുൾ നാസർ, കെ.പ്രദീപ്‌ കുമാർ, പ്രിവന്റീവ് ഓഫീസർ കെ.അരുൺകുമാർ, സിവിൽ എക്സൈസ് ഓഫീസർമാരായ സുരേഷ് ബാബു, വിനീത്, അഖിൽദാസ്, സച്ചിൻ ദാസ്, അരുൺ പാറോൽ, അമിത്, അനന്ദു, വി.സുഭാഷ്, ഇ.പ്രവീൺ, വനിത സിവിൽ എക്സൈസ് ഓഫീസർ ധന്യ.കെ.പി എന്നിവരടങ്ങിയ സംഘമാണ് പ്രതികളെ പിടികൂടിയത്