Tue Dec 12, 2023 10:56 PM 1ST

Location  

Sign In

സ്വതന്ത്രമായ വിജ്ഞാന ലോകം നിർമ്മിക്കാൻ വിദ്യാർത്ഥികളെ പ്രാപ്തമാക്കണം:ഡോ. കെ എം. ഭരതൻ

02 Apr 2025 21:03 IST

ENLIGHT MEDIA PERAMBRA

Share News :

മേപ്പയ്യൂർ:നിയതമായ ഘടനകൾക്കകത്ത് നിന്ന് പുറത്തേക്ക് കടന്ന് സ്വതന്ത്രമായ വിജ്ഞാന ലോകം നിർമിക്കാൻ വിദ്യാർത്ഥികളെ പ്രേരിപ്പിക്കുന്നതാവണം അദ്ധ്യാപനം എന്ന് പ്രശസ്ത സാംസ്കാരിക പ്രവർത്തകനും മലയാളം യൂണിവേഴ്സിറ്റി രജിസ്ട്രാറുമായ ഡോ.കെ. എം. ഭരതൻ അഭിപ്രായപ്പെട്ടു. മേപ്പയ്യൂർ ഗവ: വൊക്കേഷനൽ ഹയർ സെക്കണ്ടറി സ്കൂളിൽ വെച്ച് നടന്ന സർവ്വീസിൽ നിന്ന് വിരമിക്കുന്നവർക്കുള്ള യാത്രയയപ്പ് പരിപാടിയിൽ മുഖ്യപ്രഭാഷണം നടത്തുകയായിരുന്നു അദ്ദേഹം. വൈചാരികതയോടൊപ്പം വൈകാരികതയും അറിവ് നേടൽ പ്രക്രിയയിൽ അനിവാര്യമാണെന്ന് അദ്ദേഹം പറഞ്ഞു. ജില്ലാ പഞ്ചായത്ത് പ്രസിഡൻ്റ് ഷീജ ശശി യാത്രയയപ്പ് പരിപാടി സ്നേഹാദരം 25 ഉദ്ഘാടനം ചെയ്തു. സ്കൂൾ പ്രിൻസിപ്പൽ എം. സക്കീർ സ്വാഗതം പറഞ്ഞ യോഗത്തിൽ പി.ടി.എ പ്രസിഡണ്ട് വി.പി. ബിജു അദ്ധ്യക്ഷത വഹിച്ചു. പഞ്ചായത്ത് പ്രസിഡണ്ട് കെ.ടി. രാജൻ സർവ്വീസിൽ നിന്ന് വിരമിക്കുന്നവർക്ക് ഉപഹാരങ്ങൾ നൽകി. വാർഡ് മെമ്പർ പി. പ്രശാന്ത്, എസ്.എം.സി ചെയർമാൻ വി. മുജീബ്, പി.ടി.എ വൈസ് പ്രസിഡന്റ് ഷബീർ ജന്നത്ത്, സ്കൂൾ എച്ച് എം കെ. എം. മുഹമ്മദ് , എൻ. വി. നാരായണൻ, എ. സുബാഷ് കുമാർ, ശ്രീരമ്യ, കെ. കെ. സുനിൽകുമാർ പി.കെ.രാഘവൻ എന്നിവർ സംസാരിച്ചു. പ്രോഗ്രാം കൺവീനർ അഫ്സ ടി. എം.നന്ദി പറഞ്ഞു.

Follow us on :

Tags:

More in Related News