World Malayalee Federation honours elected representatives to Loka Kerala Sabha

തിരുവനന്തപുരം: വേൾഡ് മലയാളി ഫെഡറേഷൻ ഗ്ലോബൽ ക്യാബിനറ്റിന്റെ ആഭിമുഖ്യത്തിൽ ലോക കേരളസഭയിലേക്ക് തിരഞ്ഞെടുക്കപ്പെട്ട വേൾഡ് മലയാളി ഫെഡറേഷൻ പ്രതിനിധികളെ ആദരിച്ചു. സ്വീകരണ സമ്മേളനം ബഹുമാനപെട്ട പൊതു വിദ്യാഭ്യാസ മന്ത്രി ശ്രീ.വി.ശിവൻകുട്ടി ഉദ്ഘാടനം ചെയ്തു.

ആഫ്രിക്കയിലെ ഡിജിബുട്ടിയിൽ മരണമടഞ്ഞ പ്രവാസി മലയാളി സതീഷ് രാജപ്പന്റെ കുടുംബ സഹായ ഫണ്ട് അദ്ദേഹത്തിന്റെ ഭാര്യ ഉമയ്ക്ക് മന്ത്രി കൈമാറി.

വേൾഡ് മലയാളി ഫെഡറേഷൻ ഗ്ലോബൽ പ്രസിഡന്റ് പൗലോസ് തേപ്പാല അധ്യക്ഷത വഹിച്ചു. ഗ്ലോബൽ ചെയർമാൻ ഡോ. ജെ. രത്നകുമാർ മുഖ്യ പ്രഭാഷണം നടത്തി.

വേൾഡ് മലയാളി ഫെഡറേഷൻ തിരുവനന്തപുരം ജില്ലാ കൗൺസിൽ സംഘടിപ്പിച്ച "വായന വസന്തം" വായന മത്സരത്തിന്റെ സമ്മാനദാനം സംവിധായകൻ ഡോ. പ്രമോദ് പയ്യന്നൂർ നിർവഹിച്ചു.

വേൾഡ് മലയാളി ഫെഡറേഷൻ ഫൗണ്ടർ ചെയർമാൻ ഡോ. പ്രിൻസ് പള്ളിക്കുന്നേൽ, ഗ്ലോബൽ ചെയർമാൻ ഡോ. ജെ.രത്നകുമാർ അടക്കമുള്ള പത്തൊമ്പതിൽ പരം ആളുകളാണ് വേൾഡ് മലയാളി ഫെഡറേഷനിൽ നിന്ന് നാലാമത് ലോക കേരള സഭയിലേക്ക് തിരഞ്ഞെടുക്കപ്പെട്ടിട്ടുള്ളത്.

പ്രവാസികളുടെ പ്രശ്നങ്ങൾ മനസിലാക്കി അതിനുള്ള പരിഹാരം സർക്കാർ വഴി നേടിയെടുക്കുക എന്നതാണ് വേൾഡ് മലയാളി ഫെഡറേഷന്റെ പ്രധാന ലക്ഷ്യങ്ങളിൽ ഒന്ന് എന്ന് ഫൗണ്ടർ ചെയർമാൻ അറിയിച്ചു.

വേൾഡ് മലയാളി ഫെഡറേഷൻ മുഖ പുസ്തകം "വിശ്വ കൈരളി" ചീഫ് എഡിറ്റർ ശ്രീമതി. സപ്ന അനു ബി ജോർജിന് കൈമാറുകയും, ഡോ. പ്രിൻസ് പള്ളിക്കുന്നേൽ പ്രകാശനം നടത്തുകയും ചെയ്തു.

പ്രവാസി ഭാരത് സമ്മാൻ ജേതാവ് ഡോ. സിദ്ധിഖ് അഹമ്മദ് മുഖ്യ അതിഥി ആയിരുന്നു. വേൾഡ് മലയാളി ഫെഡറേഷൻ ഭാരവാ ഹികളായ ടോം ജേക്കബ്, മഹേഷ്‌ മാണിക്കം എന്നിവർ പ്രസംഗിച്ചു. ഗ്ലോബൽ ജോയിൻ ട്രഷറർ ശ്രീ. VM സിദ്ദിഖ് നന്ദി പ്രകടിപ്പിച്ചു.

വേൾഡ് മലയാളി ഫെഡറേഷൻ ഗ്ലോബൽ ക്യാബിനറ്റ് അംഗങ്ങൾ, GEC അംഗങ്ങൾ, നാഷണൽ പ്രതിനിധികൾ, സ്റ്റേറ്റ് പ്രധിനിധികൾ, വിവിധ കൗൺസിലുകളിൽ നിന്നുള്ള വേൾഡ് മലയാളി ഫെഡറേഷൻ അംഗങ്ങൾ യോഗത്തി

ൽ പങ്കെടുത്തു.

⭕⭕⭕⭕⭕⭕⭕

ഗൾഫ് വാർത്തകൾക്കായി: https://enlightmedia.in/news/category/gulf

For: News & Advertisements: +968 95210987 / +974 55374122

⭕⭕⭕⭕⭕⭕⭕⭕⭕