Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
19 Jun 2026 06:15 IST
Share News :
പാനൂർ: കണ്ണൂർ പാനൂരിൽ ആത്മഹത്യാശ്രമം നടത്തിയ യുവതി ചികിത്സയിലിരിക്കെ മരിച്ചു. കഴിഞ്ഞ ഞായറാഴ്ച രാത്രി വീട്ടിനുള്ളിൽ അവശനിലയിൽ കണ്ടെത്തിയ യുവതിയെ ഉടൻ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നുവെങ്കിലും നാല് ദിവസത്തെ ചികിത്സയ്ക്ക് ശേഷം മരണം സംഭവിക്കുകയായിരുന്നു.
യുവതിയുടെ ആൺസുഹൃത്തിന്റെ ശാരീരികവും മാനസികവുമായ പീഡനമാണ് ആത്മഹത്യാശ്രമത്തിന് കാരണമായതെന്നാണ് കുടുംബം ആരോപിക്കുന്നത്. സംഭവ ദിവസം തന്നെ കുടുംബം പാനൂർ പോലീസിൽ പരാതി നൽകിയിരുന്നു.
ആൺസുഹൃത്ത് നിരന്തരം മാനസികവും ശാരീരികവുമായി ഉപദ്രവിച്ചിരുന്നതായും അതിൽ മനംനൊന്താണ് യുവതി ആത്മഹത്യയ്ക്ക് ശ്രമിച്ചതെന്നും കുടുംബം പരാതിയിൽ വ്യക്തമാക്കിയിട്ടുണ്ട്.
കുടുംബത്തിന്റെ ആരോപണങ്ങൾ ഉൾപ്പെടെ എല്ലാ വശങ്ങളും പരിശോധിച്ച് വിശദമായ അന്വേഷണം ആരംഭിച്ചതായി പോലീസ് അറിയിച്ചു. യുവതിയുടെ മൃതദേഹം ഇന്ന് പരിയാരം മെഡിക്കൽ കോളേജിൽ പോസ്റ്റ്മോർട്ടം നടത്തും.
സംഭവവുമായി ബന്ധപ്പെട്ട് കൂടുതൽ വിവരങ്ങൾ ലഭ്യമാക്കുന്നതിനും മരണത്തിന്റെ യഥാർത്ഥ സാഹചര്യങ്ങൾ കണ്ടെത്തുന്നതിനുമായി അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
Follow us on :
More in Related News
Please select your location.
