ഉപയോഗശേഷം തള്ളിക്കളയുന്ന വസ്തുക്കൾ കൊണ്ട് മനോഹരമായൊരു കലാസൃഷ്ടി തീർത്ത് വേസ്റ്റ് ടു ആർട്ട്' പൂക്കളം

Waste to Art'is a beautiful piece of artwork with objects that are thrown away after use

മലപ്പുറം : മാലിന്യങ്ങൾ കൃത്യമായി തരംതിരിച്ച് കൈകാര്യം ചെയ്താൽ അവയ്ക്ക് പുതിയൊരു മൂല്യവും ഭംഗിയും നൽകാനാകുമെന്ന് തെളിയിച്ചിരിക്കുകയാണ് മലപ്പുറം ജില്ലാ ശുചിത്വ മിഷനും ECKO World Waste Management LLP-യും ചേർന്ന് കോട്ടക്കുന്നിൽ ഒരുക്കിയ 'വേസ്റ്റ് ടു ആർട്ട്' പൂക്കളം. ഉപയോഗശേഷം തള്ളിക്കളയുന്ന വസ്തുക്കൾ കൊണ്ട് മനോഹരമായൊരു കലാസൃഷ്ടി തീർത്ത് വേറിട്ടൊരു സന്ദേശമാണ് ഈ സംരംഭത്തിലൂടെ ജനങ്ങളിലേക്ക് എത്തിക്കുന്നത്.

ജില്ലയിലെ വിവിധ പ്രദേശങ്ങളിൽ നിന്ന് ഹരിതകർമ്മ സേനാംഗങ്ങൾ ശേഖരിച്ച പ്ലാസ്റ്റിക് മാലിന്യങ്ങൾ തരംതിരിച്ച് പുനരുപയോഗിച്ചാണ് 1,560 ചതുരശ്ര അടി വിസ്തീർണമുള്ള ഈ വിസ്മയ പൂക്കളം തയ്യാറാക്കിയത്. 20,736 പ്ലാസ്റ്റിക് കുപ്പികൾ, 13 കിലോ ചാക്കുകൾ, 485 സി.ഡി.കൾ, 12 കിലോ അലുമിനിയം ഫോയിൽ, 138 ഫുഡ് കണ്ടെയ്നറുകൾ, 18 കിലോ പ്ലാസ്റ്റിക് കവറുകൾ എന്നിവയാണ് ഈ പൂക്കളത്തിന്റെ നിർമ്മാണത്തിനായി ഉപയോഗിച്ചത്.

മലപ്പുറം സ്വദേശികളായ ഉസ്മാൻ, പ്രശാന്ത് എന്നീ കലാകാരന്മാരുടെ നേതൃത്വത്തിൽ അഞ്ച് ദിവസത്തെ അക്ഷീണ അധ്വാനത്തിലൂടെയാണ് ഈ ബൃഹത്തായ സൃഷ്ടി പൂർത്തിയായത്. കേരളത്തിന്റെ തനത് കലാ-സാംസ്കാരിക പൈതൃകം വിളിച്ചോതുന്ന കഥകളിയുടെയും ചുണ്ടൻവള്ളത്തിന്റെയും ചിത്രങ്ങളാണ് ഈ മാലിന്യപ്പൂക്കളത്തിൽ അതിമനോഹരമായി ആവിഷ്കരിച്ചിരിക്കുന്നത്.

വയനാട് എം.പി പ്രിയങ്ക ഗാന്ധി,. റവന്യൂ വകുപ്പ് മന്ത്രി എ.പി. അനിൽകുമാർ തുടങ്ങിയ പ്രമുഖർ ഉൾപ്പെടെ ആയിരക്കണക്കിന് ആളുകളാണ് ഈ പൂക്കളം കാണാൻ കോട്ടക്കുന്നിൽ എത്തിയത്.. തദ്ദേശ സ്വയംഭരണ വകുപ്പ് മന്ത്രി കെ.എം. ഷാജി ചടങ്ങിൽ വെച്ച് കലാകാരന്മാരെ ആദരിക്കുകയും ചെയ്തു.

"നമ്മുടെ മാലിന്യം, നമ്മുടെ ഉത്തരവാദിത്വം" എന്ന ആശയം സമൂഹത്തിൽ ഉറപ്പിച്ചു നിർത്താനും മാലിന്യ സംസ്കരണ രംഗത്ത് ഹരിതകർമ്മ സേന നടത്തുന്ന നിർണായക പങ്കിനെ ജനങ്ങളിലേക്ക് എത്തിക്കാനും ഈ മികച്ച പദ്ധതിയിലൂടെ സാധിച്ചു.

Tags:

enlightmedia,malayalamnews,kerala,latestnews