പരിമിതികളെ മറികടന്ന് കായികലോകത്ത് ആവേശത്തിന്റെ പുതിയ വസന്തം : ജില്ലാ ഭിന്നശേഷി കായികമേള'യ്ക്ക് ഇന്ന് മഞ്ചേരിയിൽ ആവേശോജ്ജ്വല തുടക്കമായി

A New Spring of Excitement in Sports: District Disability SportsFair begins in Manjeri today

മലപ്പുറം : കേരള സ്കൂൾ ഒളിമ്പിക്സിന്റെ ഭാഗമായി സമഗ്ര ശിക്ഷ കേരളം (മലപ്പുറം) സംഘടിപ്പിക്കുന്ന 'ജില്ലാ ഭിന്നശേഷി കായികമേള'യ്ക്ക് ഇന്ന് മഞ്ചേരിയിൽ ആവേശോജ്ജ്വല തുടക്കമായി.

മഞ്ചേരി ഗവ. ബോയ്സ് ഹയർ സെക്കൻഡറി സ്കൂൾ ഗ്രൗണ്ടിലും കോസ്മോപൊളിറ്റൻ സ്റ്റേഡിയത്തിലുമായി നടക്കുന്ന മേളയുടെ ആദ്യ ദിനമായ ഇന്ന് കാണികളിൽ വലിയ ആവേശം നിറച്ച ഗെയിംസ് മത്സരങ്ങളാണ് അരങ്ങേറിയത്. നാളെ (ചൊവ്വാഴ്ച) കായികക്ഷമത മാറ്റുരയ്ക്കുന്ന അത്‌ലറ്റിക്സ് ഇനങ്ങൾ നടക്കും.

മേളയുടെ വിശേഷങ്ങൾ ഒറ്റനോട്ടത്തിൽ:

* ????‍♂️ മത്സരയിനങ്ങൾ:

4×100 റിലേ, സ്റ്റാൻഡിങ് ലോങ് ജമ്പ്, സ്റ്റാൻഡിങ് ത്രോ, 100 മീറ്റർ ഓട്ടം ഉൾപ്പെടെ 5 അത്‌ലറ്റിക്സ് ഇനങ്ങളും; ഫുട്ബോൾ, ബാഡ്മിന്റൺ, ഹാൻഡ് ബോൾ, ക്രിക്കറ്റ്, ബോച്ചേ തുടങ്ങി 5 ഗെയിംസ് ഇനങ്ങളും.

* ???? പങ്കാളിത്തം:

ജില്ലയിലെ 15 ബ്ലോക്കുകളിൽ നിന്നായി (മലപ്പുറം, മഞ്ചേരി, അരീക്കോട്, നിലമ്പൂർ, പെരിന്തൽമണ്ണ, മങ്കട, കുറ്റിപ്പുറം, എടപ്പാൾ, പൊന്നാനി, തിരൂർ, താനൂർ, പരപ്പനങ്ങാടി, വേങ്ങര, കൊണ്ടോട്ടി, വണ്ടൂർ) തങ്ങളിലെ പ്രതിഭ തെളിയിക്കാൻ 600 ഓളം കുരുന്നുകളാണ് എത്തിച്ചേർന്നിട്ടുള്ളത്.

* ???? പരിപാലനം:

മേളയ്ക്കെത്തിയ മുഴുവൻ മത്സരവിജയികൾക്കും കായികതാരങ്ങൾക്കും അധ്യാപകർക്കും രക്ഷിതാക്കൾക്കും രണ്ടു ദിവസത്തെ ഭക്ഷണവും മറ്റ് ആവശ്യമായ സൗകര്യങ്ങളും ഉറപ്പുവരുത്തിയിട്ടുണ്ട്.