Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
04 Aug 2025 20:41 IST
Share News :
വൈക്കം: പെരുവയിൽ നിയന്ത്രണം വിട്ട കാര്‍ ഇടിച്ച് സ്‌കൂട്ടര്‍ യാത്രക്കാരിക്ക് ദാരുണാന്ത്യം. കാരിക്കോട് മനയ്ക്കപ്പടിയിൽ ഐശ്വര്യയില്‍
പരേതനായ നാരായണ പിള്ള, ലീല ദമ്പതികളുടെ മകൾ ശ്രീലേഖ ശ്രീകുമാർ(53) ആണ് മരിച്ചത്. ശ്രീലേഖ ഓടിച്ചിരുന്ന സ്‌കൂട്ടറില്‍ പിന്നിൽ ഇരുന്ന് യാത്ര ചെയ്തിരുന്ന സഹോദരി ശ്രീജ(50)ക്ക് ഗുരുതരമായി പരിക്കേറ്റു. ഇവരെ കോട്ടയം മെഡിക്കല്‍ കോളേജില്‍ പ്രവേശിപ്പിച്ചു. തിങ്കളാഴ്ച ഉച്ചയ്ക്ക് 12 മണിയോടെ പെരുവ-കടുത്തുരുത്തി റോഡിലുള്ള ബാറിന് മുന്‍വശത്താണ് അപകടം. പെരുവയില്‍ നിന്നും അറുനൂറ്റിമംഗലം സാമൂഹ്യാരോഗ്യ കേന്ദ്രത്തിലേക്ക് പോവുകയായിരുന്ന സ്‌കൂട്ടറിലേക്ക് എതിര്‍ ദിശയില്‍നിന്നും എത്തിയ കാര്‍ നിയന്ത്രണം വിട്ട് ഇടിച്ചു കയറുകയായിരുന്നു. റോഡിൽ തെറിച്ച് വീണ് ഗുരുതരമായി പരിക്കേറ്റ ഇരുവരെയും നാട്ടുകാര്‍ ഉടന്‍തന്നെ പൊതിയിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ശ്രീലേഖയുടെ ജീവൻ രക്ഷിക്കാനായില്ല. കാര്‍ ഓടിച്ചിരുന്ന മൂര്‍ക്കാട്ടിപ്പടി സ്വദേശി മിനുമോന്‍ ലൂക്കായ പോലീസ് കസ്റ്റഡിയിലെടുത്തു. നാട്ടുകാര്‍ തടഞ്ഞുവെച്ച ഇയാള്‍ മദ്യലഹരിയിലായിരുന്നുവെന്ന് വെള്ളൂര്‍ പോലീസ് പറഞ്ഞു. ഇയാളെ കോടതിയില്‍ ഹാജരാക്കുമെന്ന് പോലീസ് അറിയിച്ചു.കെഎസ്ആര്‍ടിസിയുടെ സ്റ്റാന്‍ഡിങ് കൗണ്‍സില്‍ അംഗമാണ് ശ്രീലേഖയുടെ ഭര്‍ത്താവ് അഡ്വ. ഏ.ആർ. ശ്രീകുമാര്‍. ഏകമകന്‍ - നിരഞ്ജന്‍ പ്ലസ് ടു വിദ്യാര്‍ഥിയാണ്. സംസ്‌കാരം നാളെ (ആഗസ്റ്റ് 5) ചൊവ്വാഴ്ച വൈകിട്ട് 4ന് വീട്ടുവളപ്പില്‍.
Follow us on :
Tags:
Please select your location.
