അവധി കഴിഞ്ഞ് നാല് ദിവസം മുമ്പ് തിരിച്ചെത്തിയ പ്രവാസി കുഴഞ്ഞുവീണ് മരണപെട്ടു

മസ്‌കറ്റ്: മാഹി അഴിയൂർ സ്വദേശി സഫിയാസിൽ എൻ.പി. ശംസുദ്ദീനാണ് മസ്‌കറ്റിലെ ബൗഷറിൽ രാവിലെ ജോലിക്ക് പോകാൻ തയ്യാറെടുക്കവേ താമസസ്ഥലത്ത് കുഴഞ്ഞുവീണാണ് മരണപ്പെട്ടത്. .

കഴിഞ്ഞ മുപ്പത്തിരണ്ട്‍ വർഷമായി ഒമാനിൽ ജോലി ചെയ്തുവരികയായിരുന്ന ശംസുദ്ദീൻ മുപ്പത് വർഷത്തോളം സലാലയിൽ ഡബ്‌ളിയു.ജെ.ടൗവ്വൽ കമ്പനിയിലാണ് ജോലി ചെയ്തിരുന്നത്. കഴിഞ്ഞ രണ്ട് വർഷമായി മസ്‌കറ്റിലെ സ്വകാര്യ സ്ഥാപനത്തിലാണ് ജോലി ചെയ്തു വന്നിരുന്നത്. അവധി കഴിഞ്ഞ് നാല് ദിവസം മുമ്പാണ് മടങ്ങിയെത്തിയത്.

ദീർഘകാലം ജീവകാരുണ്യ സംഘടനയായ തലശ്ശേരി അസോസിയേഷന്റെ പ്രസിഡന്റായിരുന്നു. അൽ മദ്‌റസത്തുൽ ഇസ്‌ലാമിയ പി.ടി.എ പ്രസിഡന്റുമായിരുന്നു. പരേതന്റെ നിര്യാണത്തിൽ സലാലയിലെ വിവിധ സംഘടന നേതാക്കൾ അനുശോചിച്ചു.

മസ്‌കറ്റ് അൽ ഗൊബ്രയിലെ സ്വകാര്യ ആശുപത്രിമോർച്ചറിയിൽ സൂക്ഷിച്ചിരിക്കുന്ന മൃതദേഹം നിയമ നടപടികൾക്ക് ശേഷം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.

ഭാര്യ: സഫിയത്ത്. മക്കൾ: ശിഫ, ശദ, സഹറ. മരുമകൻ: സഹൽ. ദീർഘകാലം കൂടുംബസമേതം സലാലയിലാണുണ്ടായിരുന്നത്. ഒമ്പത് സഹോദരന്മാരും മൂന്ന് സഹോദരിയുമുണ്ട്. സഹോദരങ്ങൾ: ഹസൻ അഹമ്മദ്, മുഹമ്മദ് ഷരീഫ്, ഷാനിദ്(സലാല), ഇഖ്ബാൽ (മസ്‌കറ്റ്).

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf & https://www.facebook.com/MalayalamVarthakalNews?mibextid=kFxxJD

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

⭕⭕⭕⭕⭕⭕⭕⭕⭕

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

Tags: