Nediruppu Devadhar UP School's Navati celebrations will begin tomorrow (Thursday)

കൊണ്ടോട്ടി :നെടിയിരുപ്പ് ദേവധാർ യു.പി സ്കൂളിൻ്റെ 90-ാം വാർഷികത്തോടനുബന്ധിച്ചുള്ള നവതി ആഘോഷങ്ങൾ ഫെബ്രുവരി 20, 21, 22 തിയതികളിൽ നടക്കും.

വ്യാഴം രാവിലെ 11 ന് നടക്കുന്ന സ്കൂൾ വാർഷികാഘോഷം നഗരസഭാ ഉപാധ്യക്ഷൻ അഷ്റഫ് മടാൻ ഉദ്ഘാടനം ചെയ്യും. വൈകുന്നേരം 5 ന് നഗരസഭാ അധ്യക്ഷ നിതാ ഷഹീർ സമാപന സമ്മേളനം ഉദ്ഘാടനം ചെയ്യും. 7 ന് മെഹറിൻ നയിക്കുന്ന ഇശൽ നൈറ്റ് അരങ്ങേറും.

22ന് മെഗാ പൂർവ വിദ്യാർത്ഥി സംഗമം അഡ്വ : കെ എൻ എ ഖാദറും യാത്രയയപ്പ് സമ്മേളനം ഇടി മുഹമ്മദ് ബഷീർ എംപിയും ഉദ്ഘാടനം ചെയ്യും.

'സഹപാഠിക്ക് ഒരു സ്നേഹവീട് ' പദ്ധതിയുടെ താക്കോൽ ടിവി ഇബ്രാഹിം എംഎൽഎ വിദ്യാർത്ഥിക്ക് കൈമാറും. നവതി ആഘോഷങ്ങളുടെ പദ്ധതി പ്രഖ്യാപനം ജില്ലാ കളക്ടർ വി ആർ വിനോദ് നിർവഹിക്കും. നാടിന്റെയും വിദ്യാലയത്തിന്റെയും ചരിത്രം പറയുന്ന 'കിസ്സ' ഇ.ടി മുഹമ്മദ് ബഷീർ എം പിയിൽ നിന്നും മുൻ മന്ത്രി ടി കെ ഹംസ ഏറ്റുവാങ്ങി പ്രകാശനം നടത്തും. ഇതോടൊപ്പം 90 വർഷത്തെ അധ്യാപകരെ ആദരിക്കുന്ന ഗുരുവന്ദനം ഉദ്ഘാടനം നഗരസഭ സ്ഥിരം സമിതി അംഗമായ സി.ടി ഫാത്തിമത്ത് സുഹറാബി നിർവഹിക്കും. തുടർന്ന് ഗായകൻ റാസാ നേതൃത്വം നൽകുന്ന ഗസൽ അരങ്ങേറും.

പത്രസമ്മേളനത്തിൽ സ്വാഗതസംഘം ചെയർമാൻ ടി സൈതലവി,പിടിഎ പ്രസിഡന്റ് എം മുജീബ്,ഹെഡ്മാസ്റ്റർ എൻ മുഹമ്മദ് അശ്റഫ്, സെക്രട്ടറി കെ പി മുസ്തഫ തങ്ങൾ, പിടിഎ വൈസ് പ്രസിഡന്റ് മുസ്തഫ പുളിക്കത്തൊടി തുടങ്ങിയവർ പങ്കെടുത്തു.

Tags:

enlightmedia,malayalamnews,kerala,latestnews