Exciting participation in Meppayur GVHSS in a Thai project for a friend

മേഷയ്യൂർ: ഹരിത കേരളം മിഷൻ സംസ്ഥാനത്തൊട്ടാകെ നടപ്പിലാക്കി വരുന്ന ചങ്ങാതിക്കൊരു തൈ ക്യാമ്പയിനിൽ മേപ്പയ്യൂർ ഗ്രാമ പഞ്ചായത്തിലെ മുഴുവൻ വിദ്യാലയങ്ങളും അണിനിരന്നു. ഒറ്റ ദിവസം 10,000 വൃക്ഷത്തൈകളാണ് 16 വിദ്യാലയങ്ങളിൽ നിന്നായി അദ്ധ്യാപകരും വിദ്യാർത്ഥികളും പരസ്പരം കൈമാറിയത്. ഗ്രാമ പഞ്ചായത്തുതല ഉദ്ഘാടനം ജി വി എച്ച് എസ് എസ് മേപ്പയ്യൂരിൽ വെച്ച് എൽ എസ് ജി ഡി ജോയിന്റ് ഡയറക്ടർ പി.ടി.പ്രസാദ് നിർവ്വഹിച്ചു.

ചടങ്ങിൽ ഗ്രാമ പഞ്ചായത്ത് പ്രസിഡന്റ് കെ. ടി.രാജൻ അദ്ധ്യക്ഷത വഹിച്ചു. തുടർന്ന് ആയിരത്തിലധികം വരുന്ന വിദ്യാർത്ഥികളും അദ്ധ്യാപകരും തൈകൾ പരസ്പരം കൈമാറി. ആരോഗ്യ സ്റ്റാൻഡിംഗ് കമ്മിറ്റി ചെയര്‍മാൻ ഭാസ്കരൻ കൊഴുക്കല്ലൂർ, സ്കൂൾ പി ടി എ പ്രസിഡന്റ്. വി.പി. ബിജു , ഗ്രാമ പഞ്ചായത്ത് സെക്രട്ടറി ഷാജി.എം.സ്റ്റീഫൻ, അസി. സെക്രട്ടറി വി.വി.പ്രവീൺ, പ്രിൻസിപ്പാൾ എം. സക്കീർ, പ്രധാനാധ്യാപകരായ കെ. എം. മുഹമ്മദ്, എം.പ്രീതി , പി ടി എ വൈസ് പ്രസിഡന്റ് ഷബീർ ജന്നത്ത്, എസ്.എം. സി ചെയര്‍മാൻ വി. മുജീബ്, ഹരിത കേരളം മിഷൻ ടെക്നിക്കൽ അസിസ്റ്റന്റ് വിവേക് വിനോദ്, നിരഞ്ജന എം. പി തുടങ്ങിയവർ സംസാരിച്ചു. സ്കൂൾ പച്ചത്തുരുത്ത് ഉദ്ഘാടനവും ഇതേ തോടൊപ്പം നടന്നു. സ്റ്റാഫ് സെക്രട്ടറി ടി.എം.അഫ്സ ചടങ്ങിന് നന്ദി പറഞ്ഞു.

Tags:

General