ഏകതാ മസ്‌കത്തിന്റെ സോഹാർ ചാപ്റ്റർ ഉദ്‌ഘാടനവും സംഗീതോത്സവം 2024ഉം അരങ്ങേറി

സൊഹാർ: ഏകതാ മസ്‌കത്തിന്റെ സോഹാർ ചാപ്റ്ററിന്റെ ഉദ്‌ഘാടനവും അതിനോടാനുബന്ധിച്ചുള്ള പരിപാടിയായ സംഗീതോത്സവം 2024ഉം അരങ്ങേറി.

സോഹാർ പാം ഗാർഡനിലുള്ള ക്‌ളാസ്സിക്ക് വില്ല ക്ലബ് ഹൌസിൽ വെച്ചായിരുന്നു പരിപാടി. ഇന്ത്യൻ സമൂഹത്തിലേക്ക് ക്‌ളാസിക്കൽ സംസ്കാരം എത്തിക്കുക എന്ന ലക്ഷ്യത്തോടെ പ്രവർത്തിക്കുന്ന ഏകതാ മസ്‌കത്തിന്റെ സോഹാർ ചാപ്റ്റർ ഉദ്ഘാടനമാണ് നടന്നത്.

മജ്‍ലിസ് ഷൂറ അംഗം ഖാലിദ് സുൽത്താൻ മുഹമ്മദ്‌ അൽ ജാബ്രി ഉദ്ഘാടനം നിർവഹിച്ചു. ഇന്ത്യൻ സോഷ്യൽ ക്ലബ് സോഹാർ പ്രസിഡണ്ട്‌ രാജേഷ് കൊണ്ടല, സോഹാർ മലയാളി സംഘം പ്രസിഡണ്ട്‌ മനോജ്‌ കുമാർ, കെ. ആർ. പി വള്ളികുന്നം എന്നിവർ ആശംസകൾ നേർന്നു.

തുടർന്ന് നടന്ന ഗുരു വന്ദനത്തിൽ സോഹാർ ഇന്ത്യൻ സ്കൂൾ സംഗീത അധ്യാപകരായ മംതാജ് ഹൊസൈൻ ചൗധരി, മൈത്രേയി മംതാജ് ചൗധരി, എന്നിവരെ പരമ്പരാഗത പൊന്നാട അണിയിച്ചു അദരിച്ചു. തുടർന്ന് ഇന്ത്യൻ ശാസ്ത്രീയ സംഗീത ആലാപനം കൊണ്ട് രണ്ടര മണിക്കൂർ വേദിയിൽ വിസ്മയ തീർത്ത സംഗീത നാടക അക്കാദമി അവാർഡ് ജേതാവ് കൂടിയായ ഗായകൻ സുരേഷ് കൊന്നിയൂർ, മൃദംഗ വിദ്വാൻ എൻ. ജെ നന്ദഗോപാൽ, വയലിനിസ്റ്റ് കാർത്തിക് മേനോൻ എന്നിവരുടെ കച്ചേരി സോഹാറിലെ സംഗീത പ്രേമികൾക്ക് വേറിട്ട അനുഭവമായി.

ഏകതാ സൊഹാർ ഭാരവാഹികളായ സുരേഷ് രക്ഷാധികാരി, ദിനേശ് കുമാർ ജനറൽ സെക്രട്ടറി, റെജി വിശ്വനാഥ് വൈസ് പ്രസിഡണ്ട്‌, വിനോദ് കുമാർ & ബിജു ബാലൻ ജോയിന്റ് സെക്രട്ടറിമാർ, സജീഷ് രാജേന്ദ്രൻ പ്രോഗ്രാം കോർഡിനേറ്റർ, ശങ്കർ ട്രഷറർ എന്നിവരെ ഏകതാ സൊഹാർചാപ്റ്ററിന്റെ ഭാരവാഹികളായി തെരഞ്ഞെടുത്തു. ദിനേശ് കുമാർ നന്ദി പറഞ്ഞു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

https://www.facebook.com/MalayalamVarthakalNews?mibextid=kFxxJD

For: News & Advertisements +968 95210987 / +974 55374122

⭕⭕⭕⭕⭕⭕⭕⭕⭕